(( صبـــاح الخيـــر يــــا وســـن ))

[ّّّّّّهمس]

صباحكم ورد وفل وعسل وسكر ...

كل الغلا لأهل الغلا وكل الاماني بأنكم من أفضل الى أفضل باذن الله ...

وعلى هالصبح أطل عليكم .. بشوية بوح ونوح وفرفشة وابتسامة أمل ..
وبعيد عن أي جروح ............

:tea:

نتقهوا ......

وياالله صباح خير ........

,,,,,

في البداية أكيييييييد بتكون جريدة .. يعني أخبار جرايد ..
ومع اشوية تعليقات بيني وبين الهمس ... ومن خلال مطالعتي وبحثي ومتابعتي..

شدتني ...

أخبار طازه .. من جرايد أمس ...

الأول : يقول ...
معمر اماراتي يبلغ من العمر 100 عام بالصلاة على النبي ...
الله يعطيه الصحه والعافية يارب وطولة العمر ...
يهجر مسكنه الحديث ويبني له كوخ عبارة عن " عريش " وهو البيت من سعف
النخل , ووين ؟! في الوادي !! وليش ياترى ..
يقول الجد المعمر انه مل من المكيفات ووسائل الراحة الحديثة وتوصل الى أنها
السبب الرئيسي لكثير من الامراض وخاصة أمراض المفاصل وآثر العودة الى
الماضي بهواه النقي الخالي من أمراض العصر ؟!!!!

" المصدر .. الخليج الاماراتية "

وهمستي لنفسي تقول .. اية والله معاه حق هالجد .. شكلي بلملم قشي
وبشوفلي وادي يضفني .. ازينلي من عوار هالراس .. بلا مدنيه بلا تطور بلاهباب.
خصوصا انه الركيبات لك عليها هاليومين ..

أما الثاني : فيقول ...
" تسبب طفل في الرابعة من عمره في اصلاح خلاف بين اسرته وأبناء عمومتهم
دام ثلاث سنين بعد أن عجز كبار العائلة عن حل الخلاف ..
وكيف ...؟!!
كان الاسرتين مجتمعين في حفل زفاف وبكل عفوية جا الطفل وجلس بحظن
أب الاسره الاخرى يظن بكل براءه انه ابوه طلع من ابناء عمومتهم أصحاب
الزعل وماكان من ذاك الرجل الا ان اذرفت عيناه الدمع واستغل الحضور الموقف
وحصل التراضي وحل الخلاف ..

" المصدر .. الرياض السعودية "

همستي لنفسي تقول .. حبيب البي يجنن .. يسوها الكبار ويطيحوا فيها الصغار..
.. ايه كذا صفوا النية وخليكم حبايب .. ودامت دياركم عامرة بالافراح والمسرات"

وخلصت لفتي في الجرايد .. خلينا كذا محترمين واجتماعيين ..
وبعيييييييييد عن السياسه .. فيه أحلا من كذا شعب مطيع وشحليلاته ...!!

:m:
،،،،،

وفي قمة زايد صار ....

قال العطية ...

قطار .. وبطاقة ذكية .. ووفتافيت من الأحلام ...

بس حلم زايد .......... لسه ماصار ........... !!!!!

وخليجنا واحد وشعبنا واحد .. ويعيش الله أكبر ياخليجن ضمنا .....!!!


,,,,,


نصيحــه ..

هذي وحده من قريباتي مسكينه بها نوع من الطيبه الزايده الى اعتاب الهبل ..
خطبها ولد عمي ..فجتني وكلها أمل أعطيها نصيحه عن كيفية كسب زوج
المستقبل وأساليب استمالته عن طريق معرفة طبايع رجال هالعايلة ...

فقلتلها تعرفي تركبي لمبة في غرفتك بدل اللمبه المحروقه ..

قالتلي .. ليه ..؟؟!!!!!!

قلتلها لان احنا امعودين الرجاجيل في عايلتنا انه نقوم بهذي الشغلات
يعني عندك مثلا أنا كل لمبات غرفتي انا أركبها لااحترقت ...

وترى غير كذا مايمشي عند رجاجيلنا ايه مره ماتعرف تركب لمبه ضاع مستقبلها

ردت علي وهي تقطر عرق .. ويييييييه اجل انا والله ماعرف ..
قلتلها بكيفك والله هذا انا قلتلك .. رحمتها والله بعدها احس اني حطمتها ......

،،،،،،

حكمة في عالمي .......

" من يقول الحلم في الدنيا حرام ...... ماينال المجد غير الحالمين "





,,,,,

من دفاتري القديمة :....

" بينها وبيني دار " :.........

أنا :.. يووووه وش اللي ذكرك فيني ..
سنين .. أيام .. ماادري انقضت !!
بس وش اللي جابك .. لسنيني ؟!!

هي :.. أبي أجدد عهد .. أبي أوقض وعد ..
أبي قلب .. صدق .. ضحى .. وأعطى في يوم ..
ومن طيبته .. مات .. انتهى قبل لا ينولد ..
و زادوا عليه اللوم ..

أنا :... انتي تقصديني ؟؟!! هه أنا تعنيني ؟!!
وينك قبل ؟! وينك أمس ؟! وينك يوم ارتجيك في يوم ؟!!
وخنتيني .. وتجاهلتي هذي العيون ؟!!

هي :... أعترف اني غلط ..اني ماعرفتك يوم ..
اني ضيعتك .. ودست على رقه طغت على هالكون ..

أنا :...صديقتي يااللي كنتي ......
اصدقيني .. وش اللي ذكرك فيني ؟!!

هي :... ليه .. هو اللي يعرفك ينساك ..
مدري سحر .. مدري قدر .. مدري غريب ..
قربك وذكراك .. صدقيني كل ماالتفت ألقاك ..

أنا .........لالالا ..أنا يمكن بساطه .. همسة .. كلمة ..
وفا .. وصدق .. وشوية حنان .. ومعاني ماعاد لها ...
في هذا الزمن .. ولو اشوية مكان ....

تكفييييييييين روحي وخليني ..
ترى والله اللي فيني يكفيني ..

بس لحظه تراك بشرتيني ..
في غيرك .......... هم بيرثيني .....


،،،،،،


تقول ..

فتحت كتابي المغلق ..

اقرأيني ......أ، ب ، ت .........

وأنا أقول ..

لا أقرأ كتابا لاأمتلكه ..
ولا أقرأ كتابا لم تلامس صفحاته يدي ..
ولا أقرأ كتابا لا يخاطب أحاسيسي ومشاعري .. !!!!!!


,,,,,,,


هي .. كما تراها الانثى .........

هي رائحة الليمون العطره ..
هي طعم السكر والحلوى ..
هي نبع حنان هي مروى ..
هي نور ليال هي دنيا ..
هي روح الكون مخملية ..
هي وطن قلوب مرثية ..

...

الانثى .. هي أحلى قصيده ..
أبيات للشعر فريده ..
عطر وزخارف ونفائس ..
وعيون كحلى ونواعس ..
آسرة للحب شهية ..
ملهمة لماحة ندية ..

؟؟؟؟؟؟
!!!!!!!!!!!


وهو ..............

.................................................. .. تعذر العزف ...

انشل القلم ..............



،،،،،

,,

,

لحظة صمت ....

وبعد أربعين يوم من وفاتك يـا زايــــــــــــد :

تطمن ياابوي .. ترا عيالك على نهجك سايرين ..
وأصدقك بالقول ماهدالهم بال من ودعتنا .. وكل الامور بخير ..
ايدنا بايدهم .. ونبايعهم على الوفا والطاعة ونعاهدك ديرتك في عيوننا وكل انجازك نصونة وبرواحنا نفدية ..

بس ترى .. المبزره تسأل عليك ...
والندبة .. تفتقد رفعة اديك ...

والنسيم كثير مايسأل حبات الرمل ..
لا جا زاير .. وين زايــــــد ..؟!!

تدري يابوي .. ماعدت اهتوي شوف الشوارع ..
ليه ؟!!
لانها كلها وجهك ..
وكلها بسمك ..
وكلها رسمك ..
وكلها صوتك ..
وكلها عطرك وفنك ..

ولا ضمتها عيوني ..
دمعتي عيت تجف ..

أبوي .. يازايــــــد ..
ترى افراقك كسرني حيل ..
لالا مو بس أنا .. كل أهلك وعيالك ..

وسامحني اذا طالت بي الطيحه ..
ترى غيبة أمثالك تهد جبال وتنهيها ..

رحمك الله يابوي .. وجعل مثواك جناته .....

،،،،،،





أسعد الله صباحاتكم ......... ومساءاتكم ...

كانت هنا معكم ............................. همس ......

[{ المـــداري }]

معئول اللي أنا شايفه ده ؟؟!!

((همس )) بيه ســـخصياً ؟؟؟!!!!!!!!!!!!!!!

هناهوه ،، تاني في الوسن ؟!!!

يا ما أنتا كريم .. يارب


http://www.scoutingbsa.org/_Images/Cub_Scout/Cartoon_Characters/Happy_Cub_small.jpg

:Dreamy: :r:

ياااااا صـــــباح الهناء

صباح يفوح بالعطر في صفحات الوسن الغالي

بعودة " همس " أشــرقت أجمـــل شمس

وغردت كل الطيور ،، وحل الفرح والســرور

،،،،،،،،،،،،،،،،،،،،،،،،

ورغم إن هالعودة محملة بأخبار و سوالف وجرايد وبوح ونوح ،، وأخبار مسنين يشتكون من صخب الحياة وآلام المفاصل !!:lol:

إلا أنها عودة النور للمكفوف ، نقش حناء على أجمل كفوف

عودة تمناها كل من في الوسن


همس ..

كالعادة في كل صباح .. فتحت المنتدى أتصفح.. لكن هالصباح تزين بعودة حروفك
ماقريت وش كتبتي ،، المهم انك رجعتي ..


فأهــــلاً بك وبعودتك

اعذرينا ولا تستغربين ،، ما سوينا من الحفاوة ماتستحقين ،،
الله لو تعلمين ..

لو بيدي وزعت الحلوى في (الوسن )على كل الحاضرين
:r: :r: :r:

[الـرحاله]

والله الوسن نور برجوعك حبيبتى
و برجوع موضوعاتك ذات الطعم المختلف !
صباحك ورد و فل و ياسمين
و اتمنى من رب العالمين ان تكونى طيبه و بخير


أشكرك على هذه المقتطفات الرائعه
كروعه حضورك ،،،،،

لك كل الحب و التقدير

[عشق الليل]

دام لنا قلمك ..... ودام صباحك بكل خير....... رائع ماخطته اناملك وعبرت عنه روحك........... تسلمي و لا تطولي الغياب علينا........

[الؤلؤة المنسيه]

ما أجمل الصباح ..
حينما تعطّره أميرة الحرف بمسكها ..
بريح الياسمين ..
بورد الجوري ...
ما أجمل الصباح بإبتسامتكِ يا أميرة الحرف التي اشتقنا لها ..

*^همس^*

الصباح بين حروفك لون آخر ..
صباح ليس كصباحنا ..

كونك أنت فيه ..
شمسه قلمك وأشعته حروفك المتناثرة هنا ..وهناك
تشع إبداعاً وفناً ..
صبح روحك فيه السماء ..
ومشاعرك السحاب .. تمطر على أرض حريتك
بأجمل الغيث النقي ..
تمطر بحبات الثلج .. يتسابق الزهر لإلتقاطها .. والإنتعاش بدغدغة برودتها ..
لتبتسم شاكرة لك هذا الصباح الندي ..
0
0
0
:r: اللــــــؤلــــؤة:r:

[ّّّّّّهمس]

ميييييييين مداااااااري بااشا سخصيا :f:

لالالالالا ايه ده ايه ده سعادتك ميصحش يافندم انته بكبرك مشرفنا هنا

والله انك ولد حلال اتصدق ماصارلي فتره جايه من رحلة استجمام خارج ربوع
الوطن رايحه من حلاوة الروح ارمي هواجيسي وارجع اول ماوصلت قلتلهم
خلاص مليت ياالله نرجع نرجع مافيه فايده ماراح انسى .. يوووه المهم

ونحنا راجعين سير الكابتن على اطراف القاره الافريقيه ومااشوف الا يلوح
زول مدينه تدعى لاغوس عاد انا قمت احك راسي ياربي مار عليه هالاسم من قبل
وين شايفتها هذي انا .. الا اذكر يوووووووووووووه هذي مشتقه من جزر
الغلاباغوس حقت المداري بيييييه وييييه اثاري هذا المداري ماهو هين اطلعت
هذي صدق مدينه حشى مو مخ اطلس اطلس لااله الا الله لا اله الا الله ايه ايه ادري
تطمن عيني اسكيمو :m:


بس عاد يااستاذ مداري وعقب هالترحيب الملوكي هذا تراك طمعتني
وبكيفك تتحمل مايجيك :ok:

أما الحلاوه فخلها على جنب هذي كلها لي وابغا اسكريم بعد

واذا بتثبتلي حسن نواياك ابغا الذبايح وين الذبايح

ابغا اشوف الكرم السعودي وهذا هي جت بوجهك انت الحين مسؤول قدامي
عن تبيض صورة الكرم السعودي قدام عيني اييييييييييه


فياانك تصلح الامور في ناظري ياانكم رحتوا وطي :s:

وماعاد ابغا لاغنم ولا خرفان ابغا قعود عود ايه عود بعد
كذا كذا احس بشموخ لاشفت القعود احسه راهي راهي

هاه ايه ايه طيب مدري ليه حاسه انك تقول ايش وهقني هذي الوهقه

طيب خلاص خلاص بكتفي بواحد كبتشينو

هاه هم مافيه

طيب كوب مويه لاهنت نشف ريقي

ايه بعد

طيب طيب خلاص اقول المداري

السلام عليكم




طيب كلمه بس اختم بس

والله من طيب أصلك ياطويل العمر
وكلماتك ومجرد مرورك هنا اعتبره اكبر تشريف لشخصي ولقلمي المتواضع
والذي اعتبره تلميذ في مدرستكم الرفيعة المستوى ...

ممتنه لك سيدي من الاعماق وكل الشكر على هذا الترحيب الراقي والذي
يعكس رقي شخصكم الكريم ...

واتمنى اني استحق ولو القليل من ذوقكم ..
جزاك الله خير وعساك على القوه ..

[ّّّّّّهمس]

الغاليه العزيزه حبيبة البي والله ... الرحــــــاله ...

كلي شوق لك ولروحك الصافيه النقيه ..وحشتيني ياقمر ...

احلا صباح لك ياغاليه ..

والمنتدى منور بوجودك وبروعة حضورك ..

شرفتيني بهذا المرور العطر بريح الورد .. الله لايحرمني منك ياعسل ..

والف شكر على استقبالك الذوق ولمشاعرك الرقيقة ...

الله يوفقك ويسعدك ان شاءالله..

[ّّّّّّهمس]

هلا والله أختي العزيزه .. عشق الليل ..

تسلمي ياغاليه على رقة ردك .. ونعومة مرورك ..

شرفتيني بهذا المرور الغالي والذي اتمنى ان يدوم ويتواصل ..

بمرورك زادت قيمة المكان ..

جزاك الله خير ياغاليه .. ووفقك لما يحب ويرضى وحقق لك كل امانيك ..

[ّّّّّّهمس]

روعة الحرف .. أصالة القلب .. وفخامة الحضور ...

أختي القريبه الى قلبي .. الؤلؤه المنسيه ...

أصدقك القول أنك دائما تلازمين البال .. وصدى حرفك لا يكاد يفارق الذكرى ..

فمجرد مرورك له وقع آخر في قلبي .. فعلا قلم أعتز بوجوده قرب حروفي ..

لاني أعتبر ذلك زياده لاتقدر بثمن في رصيد مواضيعي ...

عندما أقرئك تجعليني أفخر بوجود قلمك وفكرك في قائمة الاناث ..

ينتابني شعور حميمي جدا بوجود أسمك دائما قرب اسمي وأشعر بأمان الفكر
عندما أرمي بفكري أمام عقل يخفي بين طياته رقي فكرك ...

فعلا أفخر بأخت بهذه الروح النقيه الطاهره ...

دام لي قلبك وفكرك .. رجاءا لاتحرميني هذا التواجد وهذه المتابعه
فمن قلمك يستمد قلمي ثباته ...


كل تمنياتي لك بسعادة الدارين ..
وجزاك الله عني كل خير ..ياغالية ..

[مهـره]

محجوز مع سبق الاصرار والترصد

[حاملة المسك]

اسلًم عليك واُصبح في يوم تالي ندمت اني لم آت في صباح امس الغادِ
همس......... اسم لطيف رقيق على الاذن خفيف على اللسان،،
همس اعجبتني خطراتك في صباحك اللطييف

همس سعدت بالتعرف عليك اختي الكريمه

اشكر لك همساتك:n:
تصبحين على خير

[ّّّّّّهمس]

هلا والله بمهيرتي ...

اما انتي فلكك حجز مفتوح وعلى طول .. وكل المكان تحت تصرفك ..

ونحنا في ذيك الساعه لما تسير علينا مهره .......

[ّّّّّّهمس]

حـــــــاملة المسك ..........


واي صباح ذاك الذي يتعطر بريح المسك ..
واي صباح ذاك الذي يترطب بقطرات الطيب والذوق ..
واي صباح سيكون عندما يتشرف المكان بهذا الحضور الفخم الاصيل ..


مرورك لم يكن كأي مرور ..
وكلماتك لم تكن كأي كلمات ..

وان كان الشرف سيكون لاحد فهو لي .. لانك خصيتني بهذا التواجد
وهذه الحروف ...


لا تحرميني هذا التواصل العذب ..
يامنبع العطر والطيب ..........

[مهـره]

لن أبدأ بكلام الترحيب وعبارات الثناء فقد أصبحتِ أكبـر من ذلك يا همس
وتفوقك وتميزك يضع لكِ بصمة غاية في الجمـال لا يمكن أن تكون إلا لك ...

أقول همس تكفيـن برسل لك مرقدي عشان تفرشين لي معتس في الوادي
ترى الركيبات قامت تطقطق والعصاقيل قامت ترقل وزارتني الشيخوخه وأنا في عشريناتي الجميلة
بعد ترى يمدحون نومة السطح (s)

هكذا هم الكبـار .. لا يحسبون حساب تصرفاتهم الحمقاء في بعض الأحيـان
وما يروح فيها إلا البزران يا حرام ...

أما عن قمة زايد الخير فسأكتفي بترديد :-
وخليجنا واحد وشعبنا واحد .. ويعيش الله أكبر ياخليجن ضمنا .....!!!
<---- تلوفط بشوشتها

هاهههه ياعليك نصايح يا هميسه تودي في داهيه
افرضي البنت تكرفست وطاحت ! ياللا وش تستفيد الحين !
ذكرتيني بنفسي يوم كان عندي هواية التعبث باللمبات ومسكني الكهرب ذات يوم
ولا فكني إلا يوم طارت شوشتي وانشفط الدم من وجهي الوردي "أمحق"
من جد صار شعري استاتيكي ومقنفذ لمدة 24 ساعة

اسمتعت كثيـر بدفاترك القديمة وبصباحك الغير شكل همس
دمتِ بـود ...
ورحمك الله يا زايد الخيـــر وأسكنك فسيح جنانه ،،،،،

[ّّّّّّهمس]

ياعيني عليك ياموهيرة قليبي .......

وانا في ذيك الساعة لما تشاركيني مرقدي في الوادي ......
بس من جد شاب الشعر والعمر توه شباب بصراحه الوالده تقول وش فيكم ياحافظ
انتم احنا لما كنا كبركم كنا قمة الحيويه والنشاط والصحه ...........

الا من جد ايش السالفه :s:


هههههههههههه موهيره طلعتي مثلي انا لما كنت صغيره ماخليت جهاز
كهربائي مالعبت فيه من فيديو الى تلفون الى لمبات كلو على بعضه وكل
مشاريعي افشلت ماعدا الفديو صدقيني صلحته صلحته واشتغل من جد
هههههههههههههههههههه المشكله انه كان فيديو قديم ومرمي بس ماهان علي
احسه تحفه نادره قمت صلحته .........



تسلم لي طلاتك ياغاليه والله من جد مرورك دايما غير غير غير ..
لاتحرميني هالطلات ........ عساك على القوه يامميزه ..