العضو المميز لهذا الشهر (( SoCoool ))

[عادل ال راشد]

http://dwlll.jeeran.com/salaam2.gif

العضو المميز لشهر شوال 1423 هجرية هو مشرف ساحة الوناسة ( SoCoool )

تاريخ التسجيل فى ساحات الوسن 10-16-2002 ميلادية

حاضر ومتميز فى ساحات الوسن عامة وساحة الوناسة خاصه


اخلاقياته واجتهاده اجبرت الجميع على احترام قلمه بالرغم من الوقت القصير لتسجيله فى ساحات الوسن

تمنياتى للاخ SoCoool بالتوفيق

نبارك له التميز فى ساحات الوسن ومن اراد ان يتعرف على شخصية الاخ SoCoool فعليه بطرح الاسئلة له

علما بان يحق للجميع المشاركه فى رد واحد فقط اذا سمحتوا

تقبلوا تحيات ادارة الوسن

[الـرحاله]

الف الف مبروك اخى سووكووول


تستاهل التميز


اتمنى لك التوفيق ..



http://angelwinks.net/images/flowerpod/flowerpod56.jpg

[مطر صيف]

شلون... هاه...*17 ، ليش ما علمتوني؟؟*12 !!!

أنا مميز*19 ؟؟؟ والله!! ممممممممم :notsure:

والله مادري شو أقول...!!!$: .. شوكرن بوراشد على الثقة... اتمنى إني أكون عند حسن ظن الجميع إن شاء الله

أما وقد انضممت إلى من تميز في الوسن، فذلك دون أدنى شك، عبء جديد، و وثقل احمله على كاهلي، ودافع لمزيد من العطاء، ومحاسبة لكل كلمة...

شكراً بوراشد مرة ثانية
شكراً رحالة على سرعة الرد، وإن شاء الله أكون عند حسن ظنكم فيني دايماً.

محبكم سوكووووووول
http://socoool.jeeran.com/id.gif

[صدى الايام]

هلا وغلا سوكوول
الف الف الف مبروك
وفعلا انت متميز بوجودك وابداعاتك
ومشاركاتك
اتمنى لك التوفيق دوماااااا
وتستاهل التميز واكثر......

[مطر صيف]

أشكرك من أعماق قلبي صدى الأيام، والله يعينا على هذا الشرف الكبير
الله يبارك فيج وتقبلي خالص تحياتي

[شهد]

الــــــــــــف مبروووووووك يا سوكوووول
مشاااااركات مميزه
ووجوود مميز
فالف مبروك على التميز
وتمنياتي لك بالتوفييق <---------- ما ادري ويين شايفه هالجمله*14

[ابو ريهام]

مرحبا اخ سوكوول
الف الف مبروك ومزيد من العطاءات
المتميزه واتمنالك التوفيق
والسداد

اخوك
ابو ريهام

[Low fat]

مبروووووووووووووووووووووووووووووووووووك حرررررررررررررررررررررررررررررررررررركة
عقبااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا لي يارب*14

[منى]

الف مبروك سووووووووووووووكوووووووووووووووووووووووول
على التميز ...

واتمنى لك التوفق والفوز بالدنيا والاخرة ....


الف الف الف مبروك

[ابو شرك]

هلا وغلا سيكل

الف مبروك التميز تستاهل

فأنت اهل له وتستحق عن جداره

موضوعاتك ومشاركتك

وروحك الغاليه كل هذا تميزك

الف مبروووووووووووووووووك

متى العشاء وبعدين العشاء عليك والا على سماسم



ابو شرك

[Hanan]

ألف ألف مبروك.....والله تستاهل.... بس والله راح اهريك اسئله ... بس بعد ما يباركولك كلهم*9

[مطر صيف]

شهد- أبوريهام - لوفات - منى - أبوشرك وحنان

الله يبارك فيكم كلكم، وان شاء الله أكون قدها وقدود *18

[أحمـ أم ـد]

الف
مبروك
اخوي
سوكول
تستاهل
كل
خير
وبالتوفيق
يارب
*11
*9
ام احمد

[العاشق الولهان]

الف الف الف مبروك

[احمد]

احلىىىىىىىىىىى يا مميزين

صرتوا تحتكون خخخخخخخخخخ

زيليون مبروك ( عدد كبير مره اكبر من الاربع طعش )

تستاهل يا غالي

جهودك واضحة ومميزة والتميز تشرف فيك

الله يعطيك العافية

[مهـره]

هلالالالالاااا سووكووول
مبروووك ألف ألف مبروووك
مبروووك على الاشراف ومبروووك على التميز
تستاهل كل خير
بالتوفيق وإلى المزيد من التألق والابداع *11

[نواره]

هلااااااااااا و الله *14
مبرووووووووووووك الف مبرووووك يا سو كول على التميز
تستاهل و الله .. و كلنا نشكرك على جهودك في الوسن *11

يالله بابدأ اسئلتي *9

المستوى التعليمي؟؟ و ايش تخصصك ؟

وش كان رايك بالوسن بصراحه لما اول مره دخلت له ؟!

هل كنت تتوقع توصل لهالمنصب يعني مشرف و مميز ؟؟ يا كافي !! هههه

قول لي يالله وش البرنامج اللي تستخدمه للرسم هاااااه !! *21

ايش هوايتك الصدقيه ؟ <== سؤال يضحك *16

امممم قول لنا موقف يضحك صار لك هنا ؟؟ و موقف ثاني نرفزك ؟؟ لازم تصير صريح فاهم !!

وش احلى اكله عندك ؟؟

اللحين انت خال سماسم صح ؟؟ هي تناديك خالي و الا مهزء طبعا تناديك باسمك ههههه اتوقع الثانيه طبعا *14

وين بتودينا اذا جيت انا للامارات ؟ <=== انواع قطه الوجه هيهيهي

انت دب و الا نحيف ؟؟ <=== توهقت ما عندها اسئله *16

السؤال المعتاد عطنا رايك بالاعضاء التاليه اسمائهم !!
نواره *14
وهم
سماسم
حنان
مهره
البلسم
احمد
عادل ال راشد
الصخره
العين روحي
Low Fat
حامله المسك
منى
ابو شرك

هيهيهي غثيتك هاه؟؟ كفايه هالاسامي

وش بنظرك الامور اللي مفروض تصير بالوسن عشان يرتقي الى مستوى اعلى في المستقبل ؟؟

طيب انت يوم انك صغير كنت شيطاني مره .. اذكر لنا موقف ؟؟

ايش البلدان اللي زرتها .. و احلى بلد عجبتك ؟؟ و بلد تتمنى تزورها؟

حكمتك بالحياه ؟؟

تحب الكوكتيل ابو طبقات ؟

تحس ان لي مستقبل في رسم الابتسامات و الا لا هااه؟؟ هيهيهي

كيف فكرت تسوي هالاشياااااء !!! بعدين ماشالله مره يعني رسمك دقيق ورا ما تسوي منها بزنس ؟؟!

هل تحس ان كلمه خنبقه مره معبره ؟؟ يعني من جد تعبر عن خنابيق و خنبوقات الوسن؟

شريت البشت حق زواج سماسم و الا لسا ؟؟

وش الشي اللي مررررره تكرهه و لا تطيق تشوفه ابددددد !!!

كلمه اخيره توجهها الى الجميع .. هيهيهي

<=== بتتصفق من جد
*21

[كاسر]

نواره ...
اثر اللي جاني مهوب شيء *14
الحمد لله ،،،

سوكول ..
مبرررووووووك يالغالي .. والله تستاهل أكثر والله

ردود رائعه وأخلاقك أروع ..

تستاهل أخي الكريم التميز .. ومبروك عليك وسام التميز

وعندي اربعة اسئلة بس ( نواره الله يسلمها ماخلت شيء ) :
أخاف تصير اسألتي مكرره .. الخمبوقيه مابقت لنا اسئلة

مستواك الدراسي ؟

المدينه التي تقيم فيها ؟؟

هذا سؤال لازم تجاوب عليه :
وشو البرنامج اللي تستخدمه في رسم التواقيع والإبتسامات ؟؟

وش معنى RAKRAKRAKRAKRAK ??

وبس .. *14
<---- ما يبي يشغلك عن اسئلة نواره

مبروك سوووكووووول ..

تحياتي لك أخي الكريم ..
ووفقك الله في دنياك وآخرتك

[مطر صيف]

مريم - العاشق الولهان - احمد - مهرة - نواره

الله يبارك فيكم جميعاً إن شاء الله، والتوفيق للجميع إن شاء الله







المستوى التعليمي؟؟ و ايش تخصصك ؟
ج1 - جامعي، نظم معلومات إدارية

وش كان رايك بالوسن بصراحه لما اول مره دخلت له ؟!
ج2 - بصراحه حسيت إنه كني قاعد في البيت، مادري شلون الأعضاء كلهم صاروا يمونون فجأة، يعني بالمختصر حبيت اعضاءه قبل لا أحبه.

هل كنت تتوقع توصل لهالمنصب يعني مشرف و مميز ؟؟ يا كافي !! هههه
ج3 - نعم

قول لي يالله وش البرنامج اللي تستخدمه للرسم هاااااه !!
Corel Draw

ايش هوايتك الصدقيه ؟ <== سؤال يضحك
السفر و الفيديوجيم
امممم قول لنا موقف يضحك صار لك هنا ؟؟ و موقف ثاني نرفزك ؟؟ لازم تصير صريح فاهم !!
-

وش احلى اكله عندك ؟؟
والله تعتمد على اليد اللي تسويها لكن عموماً
أنا احب العيوش، والأكلات الهندية والإيرانية، وما أحب سويتات البيت.

اللحين انت خال سماسم صح ؟؟ هي تناديك خالي و الا مهزء طبعا تناديك باسمك ههههه اتوقع الثانيه طبعا
- لا... تناديني باسم الدلع، وساعات تناديني سوكووول

وين بتودينا اذا جيت انا للامارات ؟ <=== انواع قطه الوجه هيهيهي
كارفور

انت دب و الا نحيف ؟؟ <=== توهقت ما عندها اسئله
نحيف، في مشروع تطوير قريباً

السؤال المعتاد عطنا رايك بالاعضاء التاليه اسمائهم !!
نواره
ومرحه وخفيفة الظل - مدري ساعات احس إنه دبه
وهم - طيوبه وحبوبه، لكن ما يبين عليها ديماً، أحس إنه من النادر إنه في شي يعجبها، ردودها تنور أي موضوع.
سماسم - ! فتاة هادئة ولطيفة، طيبة لأبعد الحدود، تحب الطبيعة وقراءة القصص.
(براحة)
حنان - ! فتاة مشاكسة وعنيدة، كثيرة الكلام، تحب اللعب، ولديها خبرة متميزة في استخدام الحاسوب (براحه)

مهره - لا غنى عنها في المنتدى، تحس شي ناقص في الوسن إذا غابت
البلسم - طلتها بين الحين والآخر لها نكهة خاصة، احب أقرا ردودهها، وياليت لو تزيد تواصلها.

احمد - قمة في الأخلاق والطيب، صاحب روح مرحه، وقلم مميز، لكن هذا لا يعني إنه لا يحمل قلب مليء بالعواطف.

عادل ال راشد - حبوب وأكن له احترام غير عادي، أحس إنه يبذل جهد كبير علشان ما يطلع من طوره، :crazy: ، مشكلته إنه ينسى كثير (الكبر شين)
الصخره - عضو حبوب طموح، له بصمته الواضحة في الوسن، ويحب يساعد الناس، قلم مميز في الاسلامية لا غنى عنه.
العين روحي - عضوة حبوبة ورقيقه، تحب الرياضة والفرفشه واللعب.
Low Fat - لوفات وما أدراك ما لوفات، بصراحة أشكر نواره على هذا الاختيار الموفق، اجبرت الجميع على أن يلتفتوا إليها، جو لوفات غير.
حامله المسك - عضوة هادئة وcute، معلومات غزيرة، ومهارات مميزة
منى - حبوبة ومرحه، قلم مميز في الطرح والنقاش والرد، ولا نتصور التربوية بدونها.
ابو شرك -(أبوفخ) أبوالحروف، ملك المسابقات والألغاز، مواضيعه وردوده هادئه، ما يكتب غير بالعنابي، اسلوبه يجبر الجميع على احترامه

هيهيهي غثيتك هاه؟؟ كفايه هالاسامي
كفاية

وش بنظرك الامور اللي مفروض تصير بالوسن عشان يرتقي الى مستوى اعلى في المستقبل ؟؟
أتمنى تنحل الأمور المتعلقة بالدواعي الأمنية، ونتمنى ترقيته المنتدى إلى الإصدار الأحدث.

طيب انت يوم انك صغير كنت شيطاني مره .. اذكر لنا موقف ؟؟
ابد ما كنت شيطاني، الشي الوحيد اللي كنت اختلف فيه مع الأهل، هو الأكل.

ايش البلدان اللي زرتها .. و احلى بلد عجبتك ؟؟ و بلد تتمنى تزورها؟
السعودية (مكة - المدينة - جدة)
عمان (مسقط - صلالة)
بريطانيا (بورمث - هيستنج - لندن - برايتون)
ألمانيا (هانوفر - هامبورج)
الهند (بمبي - ميسوري - بنجلور)

بصراحة: مشتاق لبريطانيا! وأتمنى أزور أي بلد عندهم ثلج...

حكمتك بالحياه ؟؟
I would If I could
إن لم تزد شيئا على الدنيا .. كنت أنت زائدا على الدنيا (الرافعي)

تحب الكوكتيل ابو طبقات ؟
حب من طرف واحد.
احبه

تحس ان لي مستقبل في رسم الابتسامات و الا لا هااه؟؟ هيهيهي
نعم

كيف فكرت تسوي هالاشياااااء !!! بعدين ماشالله مره يعني رسمك دقيق ورا ما تسوي منها بزنس ؟؟!
أي أشياء؟ مافهمت.
في مشروع راح يشوف النور قريباً بإذن الله خلال نهاية الاسبوع.

هل تحس ان كلمه خنبقه مره معبره ؟؟ يعني من جد تعبر عن خنابيق و خنبوقات الوسن؟
نعم


شريت البشت حق زواج سماسم و الا لسا ؟؟
لا، المعرس بس اللي يلبس بشت

وش الشي اللي مررررره تكرهه و لا تطيق تشوفه ابددددد !!!
الدراسة

كلمه اخيره توجهها الى الجميع .. هيهيهي
حبكم وسط الحشا سادي.......لو يــبل بـــتحمله كله

أتمنى إني ما نسيت شي :notsure:

[مطر صيف]

الله يبارك فيك يالصخرة، والله يعين الجميع إن شاء الله

مستواك الدراسي ؟
جيد جداً

المدينه التي تقيم فيها ؟؟
RAK

هذا سؤال لازم تجاوب عليه :
وشو البرنامج اللي تستخدمه في رسم التواقيع والإبتسامات ؟؟
كوريل درو

وش معنى RAKRAKRAKRAKRAK ??
RAK اختصار لـ:
Ras Al Khaima
وهي اسم الإمارة التي أقيم فيها

[واطواط]

مبروك وايد عليه*14

[مطر صيف]

الله يبارك عليهم*7

[العين روحي]

الف الف الف مبروووووووووووووك يا سوكووووووول ..

و الله انك تستااااااااااهل ..*14

[مطر صيف]

الله يبارك فيج...

يستاهل من قالها*11

[Hanan]

بسم الله بدينا

ليش فضلت منتدى الوسن عن اي منتدى اخر... ومن عرفك عليه؟؟؟؟

حلم تسعى لتحقيقه في القريب العاجل؟؟؟

يتبع...

[WaHaM]

ياخزيااااااااااه توني اشوف الموضوع

*17



الف الف الف مبروروروروروك سووكول
والله تستاهل التميز والابداع

ما شاء الله حضورك قوي في الوسن

شرفنا وزاد نورنا بعد تسجيلك واشرافك *14




اسئلتي؟
اممممممممممممممممم *20


نواره ماقصرت *19


مممممممم اوكي
سؤالي


تحب














التويكس والا لا*15

[بنت الدوحه]

الف الف مبروك اخوى SoCoool هذا التميز وتستاهله الله يوفقك وتقدم للوسن الاحسن

تفكر فى سؤال اممممممممممم

هل زرت قطر ؟ وكم مره؟

ماهى شعورك وانت تشوف نفسك مميز بين الاعضاء؟

ماهى السلبيات والايجابيات فى منتدى الوسن؟

مبروك عليك التميز مره ثانيه

[Low fat]

Low Fat - لوفات وما أدراك ما لوفات، بصراحة أشكر نواره على هذا الاختيار الموفق، اجبرت الجميع على أن يلتفتوا إليها، جو لوفات غير.


والللللللللللللللله شكررررررررررررررررررررررررررررررررا
تراني اتقطعت والللللللللله
سوكوووووووووول شكرا لكلامك الحلووو
*14 *14 *14
والله انا مرررررررررة مبسووووووطة معكم احس أنكم بيتي الثاني(كلام مدارس)
والله و ماودي اترررررررررررركم ابد*6

[وجهة نظر]

واااااااااايد بااااااااااارد ...

الف الف الف مبروووووووك التميز ... تستاهل الناموس ياطويل العمر ..

والله انك تستاهل التميز وبكل جداره بعد ..

تهنئه وايد وايد وايد وايد حاااااااااااااااااره ... ارسلها اليك ...
يا مبدع الوسن ... فعلا اختيار في محله ...

منذ سطع نور قلمك بين زوايا ساحات الوسن ...
وللمكان نكهه أخرى .. صنعتها بابداع وببراعه ...
تتألق وتبرز كل يوم .. بلون جديد بشذى آخر ...

تجعلنا نفخر .. اننا نتقاسم تراب نفس الوطن ...


تمنياتي لك بالتألق الدائم .. ومن رائع الى أروع ....



http://www.al7ala.com/images/s/azhar/2.jpg


أتمنى أن تكون تساؤلاتي خفيفه ...

متى أكتشفت موهبتك في الرسم ؟
وهل سعيت لتطويرها وصقلها ؟ واذا كان ممن تلقيت أكبر دعم ؟

هل تهتم بالقراءه ؟ وافضل كتاب قرأته ؟

هل لديك مواهب أخرى الى جانب الرسم ؟

كيف تنظر الى الحياه ؟ وماهي تطلعاتك المستقبليه ؟

هل تهتم بالشعر ؟ ومن هو الشاعر الاقرب الى قلبك ؟

بما انك من الشباب الاماراتي الواعد ..
هل ترى أن الشاب الاماراتي قد ادى دوره الكامل تجاه الوطن ؟
وهل هو قادر على تحمل مسؤلياته بجداره ؟



هذا وتقبل معذرتي على الاطاله ....

أرق التحايا لك أخي العزيز ..
وجهة نظر ..

[سماسم]

مبرووووووووووووووووك

مبرووووووووووووووووووووووووك

مبرووووووووووووووووووووووووووووووووك

مبرووووووووووووووووووووووووووووووووووووك

ياخالو ........اونه حركااااااااااات ...........مميز بعد........مين قدك
لاتنافخ علينا بس.

يالله خلني ابدأ

1-أول شيء ليش سجلت في المنتدى....هل علشان انا وحنان فيه ولا ايه هي الحكايه بالضبط؟

2- لما كنت اصغير كنت تلعب بالعرائس ويانا ....طيب ممكن توضح لنا السبب؟

3- شخصيتك الي كنت اعرفها وتعايشت معاها........كنت وحداني من غير اصدقاء....يعني كنت كله تقعد في البيت وماتطلع........يا ترى ايش السبب
وشو هي الأشياء الي غيرت من شخصيتك 360 درجه؟

4- سمعت انك تبي تخطب في الصيف ......طيب ليش ........انته بعدك صغير.....مو قلت لك صبر ولا تستعجل .....لا حق على عوار الراس؟

5- كيف تبي فتاه احلامك؟

6- ذكريات سفرنا الى العمره كانت رائعه .......ما تحفظ موقف قاعد في ذاكرتك لين اللحين وكل ما تذكره تضحك.......او سفره الهند...؟

7- لما دريت اني بتزوج شو كانت رده فعلك؟وشو هي الكلمه الي قلتها وقتها؟

8- مشروعك اليديد.......ممكن تكلمناعنه......وتكلمنا عن أبطاله الحلوين ....سماسم وحنان *14 .

9- يوم كنت تاخذ كتبي حقت المدرسه.......اعترف هل كنت تستفيد منهم؟؟مال أول*9 . ما في مره دعيت علييييييه علشان ما كنت مجاوبه سؤال ومت انته من القهر؟

10- شو هي الرسوم الي كنت تحبها ......وتتمنى انك تشوفها مره ثانيه ؟

11- ممكن تقول لنا قصتك يوم كنت صغير مع (بانوه )*19

12ذكريات البيت الجديم.......تذكر شيء منها ......تذكر يوم كنا لعبه صياد سمج....تذكر كنت انا وياك دايما يضاربونا العفاريت ......وكانت حنون الدبه وياهم ضدنا علشان احنااصغار يبون يطلعونا من اللعبه وما يلاعبونااياها......انزين تذكر لعبه تقع الحرب على مدينه كذا.......والا لعبه الجحيف.........هيه تذكرت بنك الحظ تذكره الي كنانسهر عليها لين الصبح واحنا ننلعب فيها........قول طلع الذكريات حلنا نستانس اشوي؟

13- ما رايك بهذه المقوله (المراه ليست رقيقه كما تتصور انها تخفي اظافرها وانيابها تحت ملابسها الحريريه ).

14- -حدثنا عن قلبك!

http://songs.6arab.com/3abdelmajed..5air-enshallah.ram

15- اسمع هذي الأغنيه .......قولي شو جاعلى بالك لما سمعيتها ؟

16- شو رايك فيني قول الصدق *21

17- ليش كله تحب تاكل عيووووووش........وماتاكل الأكلات العصريه؟

18- اجتماع يوم الأربعاء..........تحبه؟ وشو هو الي ماتحبه فيه؟

19- يوم عرسي ناوي تدخل مع المعرس ولا لأ؟ طيب ما تنحرج لما تدخل الصاله؟ طيب ليه نزلت راسك بالأرض يوم الملجه؟

اخر شي اقولك
مبرووووووك يا خالووووو......تستاهل .......اتمنى لك التوفيق والله يرزقك ببنت الحلال الي تشبهني*15

[مطر صيف]

بارك الله فيج ياوهم، راعية واجب ما عليج زود والله
وهذا جوابج:
-أحب التويكس المفلطح أكثر، وهم بعد أحب آيس كريم تويكس



الله يبارك فيج يا بنت الدوحة، وهذي أسئلتج:

هل زرت قطر ؟ وكم مره؟
كنت على وشك العام الماضي، بس في آخر لحظة تم إلغاء الرحلة.

ماهى شعورك وانت تشوف نفسك مميز بين الاعضاء؟
الميزة ماهي باللقب، أهم شي إني واثق من نفسي، وأعرف حدود تميزي وقدراتي.

ماهى السلبيات والايجابيات فى منتدى الوسن؟
الإيجابيات:
- العلاقات الأخوية
- المناقشات والمداعبات الأخوية

السلبيات:
- ما يحضرني شي، كل شي ماشي على مايرام، لكن اتضايق بصراحة لما أشوف موضوع منقول بدون ذكر ذلك!

مبروك عليك التميز مره ثانيه

الله يبارك فيج مره ثالثه*11

[مطر صيف]

لوفات: شهادتي فيج لا تزال مجروحة، وجميع أهل الوسن يستطيع تميز نكهة قلمك.

وجهة نظر:
أشكرج من أعماق قلبي على الثقة الغالية اللي حطيتيها فيني...
وبصراحة كلام، لا استطيع إلا أن انحني احتراماً وخجلاً أمام روعة قلمك

متى أكتشفت موهبتك في الرسم ؟
منذ الطفولة، قبل رياض الأطفال.

وهل سعيت لتطويرها وصقلها ؟ واذا كان ممن تلقيت أكبر دعم ؟
-بالطبع، كان ذلك يحدث تلقائياً، أما أفضل دعم تلقيته، فذلك يرجع إلى السيد/ ع. س. موجه التربيه الفنية على ما أذكر في منطقتي، حيث كنت أزوره بانتظام في مرسمه.

هل تهتم بالقراءه ؟ وافضل كتاب قرأته ؟
كنت أقرأ بشغف، حتى امتلكني الكمبيوتر، أما أفضل كتاب قرأته حتى الآن على ما أذكر كتاب بعنوان: "Dealing with people you can't stand" - التعامل مع من لا تطيقهم.

هل لديك مواهب أخرى الى جانب الرسم ؟
نعم.

كيف تنظر الى الحياه ؟ وماهي تطلعاتك المستقبليه ؟
الحياة: أتمنى ألا أغادرها قبل أن أترك بصمتي فيها
تطلعاتي المستقبلية: لا اعتقد أنني استطيع أن أحصرها بين سطور هذا الرد.

هل تهتم بالشعر ؟ ومن هو الشاعر الاقرب الى قلبك ؟
نعم، كثيرون، لكن احب كتابات مطلع الشمس.

بما انك من الشباب الاماراتي الواعد ..
هل ترى أن الشاب الاماراتي قد ادى دوره الكامل تجاه الوطن ؟
لا أعتقد أن الفرصة والدعم الكافي قد اتيحا بعد للشاب الإماراتي الحقيقي حتى يؤدي دوره الكامل.

وهل هو قادر على تحمل مسؤلياته بجداره ؟
نعم

أتمنى إني ما نسيت شي :notsure:

[قارب بلاشراع]

لـــــــــــــيــــــــش الردود على موضوعك كتير طويله00000غاويين يتعبوك صح
انا لاء00000انا شطورة صح0000



الـــــــــــــــــــــــــــف مــــــــــــبــــــــــــــروك000



لكل مجتهد نصـــــــــــــــــــيب الله يوفقك كمان وكمان 00

[مطر صيف]

إيه والله تعبان حيل منهم الله يسامحهم، بعد عمري والله يا قارب بليا شراع...

يعطيج العافية، بعد باقي رد سماسم وحنان، الله يقدرني عليهم..

يوريني فيكم يوم... :(

[WaHaM]

سوو كول
بسرعه رد على سماسم

مره تحمست اعرف الاجوبه


:)
:)


سماسم
عفيييه عليييييج
هذي الاسئلة السنعه




سوو كول
اهم سؤال لازم تجاوب عليه
بتدخل مع المعرس في عرس سماسم

:o

[Low fat]

لوفات: شهادتي فيج لا تزال مجروحة، وجميع أهل الوسن يستطيع تميز نكهة قلمك.


أشكرج من أعماق قلبي على الثقة الغالية اللي حطيتيها فيني...
وبصراحة كلام، لا استطيع إلا أن انحني احتراماً وخجلاً أمام روعة قلمك


سووكووول هذا كلة لي؟؟

*4 مااصدق

[مطر صيف]

لالالالالالالالالالالالالالالالالالالالالالالالالا لاع

نسيت أكتب اسم وجهة نظر سووووووووري :notsure:

احمممم... السطر اللي فوق لج والباقي لوجهة نظر...

سماسم ووهومه، صبروا علينا شوي

[Low fat]

$: <----------شكلي

احس تفشلت صدقت نفسي بزيادة*18

[احمد]

حبيبي سوكول

ما عليك زود يا غالي
من طيب اصلك بس

احرجتاني :)

[روماريو]

الف مبروك وعقبال ما نبارك لك على الزواج واذا انت متزوج نباركلك على الطلاق
ترى التميز حلو بس صعب عشان كذا لازم تشد حيلك وانتبه لا ينقطع

اخوك روماريو الخطيرررررررررررررررر

[مطر صيف]

روماريو - الله يبارك فيك يابعدي

سماسم ووهومه - آسف ع التأخير... لكن الظروف

أحمد - شهادتي فيك مجروحه

لوفات - كلها رياضة، ولايهمج باجر أكتب فيج قصيدة ولا تزعلين

وهذي أسئلتكم....







1-أول شيء ليش سجلت في المنتدى....هل علشان انا وحنان فيه ولا ايه هي الحكايه بالضبط؟

جاوبت على هذا السؤال


2- لما كنت اصغير كنت تلعب بالعرائس ويانا ....طيب ممكن توضح لنا السبب؟

ما كان في غيركم، بمعنى آخر: ما كان في أحد من الأهل من قدي.

3- شخصيتك الي كنت اعرفها وتعايشت معاها........كنت وحداني من غير اصدقاء....يعني كنت كله تقعد في البيت وماتطلع........يا ترى ايش السبب
وشو هي الأشياء الي غيرت من شخصيتك 360 درجه؟

من قالج إنج كنت وحداني ومن غير أصدقاء... الله يكثرهم، بس المشكلة فيني... قلبي فندق... وعلشان أعدل من بينهم، أقاطعهم كلهم o:
ما في شي غير مني 360 درجة ولا شي أنا مثل ما أنا... لكن السالفة كلها سالفة مزاج...

4- سمعت انك تبي تخطب في الصيف ......طيب ليش ........انته بعدك صغير.....مو قلت لك صبر ولا تستعجل .....لا حق على عوار الراس؟
وإنتي... ليش مستعجلة

5- كيف تبي فتاه احلامك؟
جذابة – طبيخة – خلوقة – تعيني على ديني ودنياي

6- ذكريات سفرنا الى العمره كانت رائعه .......ما تحفظ موقف قاعد في ذاكرتك لين اللحين وكل ما تذكره تضحك.......او سفره الهند...؟
طبعاً في ذكرى مابي أتذكرها لكن غصب أتذكرها مادري ليه، سفرتنا بالباص من بمبي لين بنجلور |:

7- لما دريت اني بتزوج شو كانت رده فعلك؟وشو هي الكلمه الي قلتها وقتها؟
عادي.. تحصيل حاصل، كان شي متوقع

8- مشروعك اليديد.......ممكن تكلمناعنه......وتكلمنا عن أبطاله الحلوين ....سماسم وحنان 4 .
مايحتاج شرح، لأنه صار واقع خلاص، وكل حد يقدر يتابعه كل جمعة في ملحق استراحة الجمعة، اللي يصدر مع جريدة الخليج
9- يوم كنت تاخذ كتبي حقت المدرسه.......اعترف هل كنت تستفيد منهم؟؟مال أول . ما في مره دعيت علييييييه علشان ما كنت مجاوبه سؤال ومت انته من القهر؟
لا ماشاء الله شغلج ميه ميه.... بس الله يعين اللي خذا كتبي، أنواع الرسومات، ومافي ولا حل |:

10- شو هي الرسوم الي كنت تحبها ......وتتمنى انك تشوفها مره ثانيه ؟
خماسي – سوسن – الوميض الأزرق - السنافر
11- ممكن تقول لنا قصتك يوم كنت صغير مع (بانوه )
هذي مربيتي العزيزة، الله يحفظها وين ما كانت، والله يرحمها إذا كانت عنده، كنت أحصل أنواع الدلع على يدها

12ذكريات البيت الجديم.......تذكر شيء منها ......تذكر يوم كنا لعبه صياد سمج....تذكر كنت انا وياك دايما يضاربونا العفاريت ......وكانت حنون الدبه وياهم ضدنا علشان احنااصغار يبون يطلعونا من اللعبه وما يلاعبونااياها......انزين تذكر لعبه تقع الحرب على مدينه كذا.......والا لعبه الجحيف.........هيه تذكرت بنك الحظ تذكره الي كنانسهر عليها لين الصبح واحنا ننلعب فيها........قول طلع الذكريات حلنا نستانس اشوي؟
ياغبااااااااااااااارررررررررررر.... تقع الحرب!!!!!!... تصدقين لو أعيش مليوووووون سنة ما تي على بالي!!!!...أيام.. لكن شو نسوي... حكم الأوي ع الضعيف

13- ما رايك بهذه المقوله (المراه ليست رقيقه كما تتصور انها تخفي اظافرها وانيابها تحت ملابسها الحريريه ).
والله؟.. معلومة يديدة o:

14- -حدثنا عن قلبك!
قلب مثل كالبشر، لكن فيه عيب صغير.. يقولون عنه حساس شوي، ومشكلته يعامل كل الناس مثله، يعني يظن إن كل الناس حساسين مثله... غبااااااااااااااااء

http://songs.6arab.com/3abdelmajed..5air-enshallah.ram

15- اسمع هذي الأغنيه .......قولي شو جاعلى بالك لما سمعيتها ؟
أيام الثانوية العامة... قاعد جنب المسجل ومشغل الرادو وفاتح الكتاب عشان أذاكر |:
16- شو رايك فيني قول الصدق 1
والله قاليت... بس سالفة القصص هاي من عندي..

17- ليش كله تحب تاكل عيووووووش........وماتاكل الأكلات العصريه؟
أنا أحب الأكلات العصرية... لكن أغلب أكلاتكم ياللي تسوونها مقتبسة من مطابخ عربية، ومليت منها... أنا أحب الأكلات المكسيكية والإيطالية

18- اجتماع يوم الأربعاء..........تحبه؟ وشو هو الي ماتحبه فيه؟
وايد... غيابج

19- يوم عرسي ناوي تدخل مع المعرس ولا لأ؟ طيب ما تنحرج لما تدخل الصاله؟ طيب ليه نزلت راسك بالأرض يوم الملجه؟
لازم، لأ متعود، عشان أشوف المعازيم (a)

[WaHaM]

واههههاههاي

سو كوول مره ابدععععت

كل يوم ترا ادخل هنا
اشوف رديت والا لا :x:

[مطر صيف]

يا حليييييلج يا وهم... أثاري كنت لاعب باعصابج كل هالمدة وأنا مدري
(a)

[WaHaM]

ايه والله
هبلّت فيني
دايم انتظر

بس عشان ذاك السؤال حق البيت القديم
ذكرتوني بنفسي ايام بيت الجدة الله يرحمها
:(

[مطر صيف]

الله يرحم الجميع برحمته...

سماسم ماشاء الله عليها تذكر أحسن عني

[علايه]

سوكول
مبروك
سؤالي
كنت من عشاق مجله ماجد ممكن تقولنا شو تحتفظ في ذاكرتك عن عمرك مع هذي المجله؟

ليش ما سويت لي توقيع مثل الباقي؟:Crying: جيه انا بنت البطه السودا

[نور]

مرحبا SoCoool

تستحق التميز

الله يعطيك العافية


تقبل تحياتي نور

[الصقر]

الف الف مبروك

[مطر صيف]

الكاتب الأصلي: علايه
سوكول
مبروك
سؤالي
كنت من عشاق مجله ماجد ممكن تقولنا شو تحتفظ في ذاكرتك عن عمرك مع هذي المجله؟


الله يبارك فيج علاية

-كل اللي أتذكره، إنه أيام الإجازات، كنت أمشي حوالي كيلو كل أربعاء الصبح، عشان أحصل على المجلة، مجلة ماجد كانت مجرد رهان بيني وبين شخص، ثم ما لبثت أن تعلقت بها، حتى تركتها - أمي قالت لي :o

[الفارس]

مبروك سوكول...

سؤالي لماذا انت مقل بكتاباتك في الساحه الرياضيه..

الفارس:s:

[عبسـه]

تن تررن تن تن تن تن <- برضو موسيقة زفـّه (زفـّه اللي يسوونها بالعرس مو زفـّه يعني هواش باللغه الشرقيه <- وشي اللغه الشرقيه؟ )


خخخخخخخخ


سو كوووووووووووووووووو مبروووووووووك وعقباااااااااالي يااااارب

<- قلت لكم ما تقدر تكبت شعورها (تكبت شعورها يعني تحط شعرها بالكبت على قول اخواننا الكويتيين) <-------- عوووو طع


خخخخخخخخ سو كول يالله بسألك سؤال

اممممممم وشو يا ربي

وشو وشو

ما عندي الصراحه


بس يالله بخترع سؤال : ليه ما فيه احد من رسوماتك لون بشرته اسود <- تكره العنصريه (الا والله ما لقت سؤال زي الناس خخخخخخخ)


لا من جد اكره العنصريه واحب اتفلسف *19

[صمت المساء]

ألف ألف مبروك الصراحة تستاهل التميز من جد مبدع

[مطر صيف]

نور - يستحقه من قالها الله يبارك فيج وتحياتي الحارة

الصقر - الله يبارك فيك، وعقبالك

الفارس - الله يبارك فيك

ج: مو بس الساحة الرياضية، بيني وبينك حتى الوناسة ما قمت أدخل وأشارك مثل أول، هذي الأيام ما ألقى وقت أنام، خلها على ربك بس...
إن شاء الله ربك يفرجها، وأرجع أحوس لكم الساحات مثل أول :cool:

عبسة - هذي زفة ولا رنة جوال :lol:

وزززززززطع - سلامة شعرج من الكبت- يبارك لي فيج ويسلم لي راسج

ج جواب: عندي، بس مافي حد طلب مني بالتحديد، وهذي اقتبستها من توقيع كوين سوسو:
http://d1d.net/net/alwasan/black.gif

صمت المساء - الله يبارك فيج، شهادة أعتز فيها من قلم مميز له وزنه

[Donation]

مبروووووووووووووك يا SoCooooooooooooool واتمنى لك مزيد من التقدم ان شاء الله *19 *19

[مطر صيف]

الله يبارك فيج وعقبالج إن شاء الله..

عسى ماشر؟؟

ولا الكود خربان كالعادة؟؟ (s)

[حاملة المسك]

SooCoool
Best Wishes
اخي الغالي

:s: <======== وجه مصفر ومحمر ومستحي واجد
فشيله والله مادريت الا هالحين عن ها الموضوع
ادري انك بتكون مميز بس فات الشهر
بتقبل تهنئتي؟
الف مبرووك وعقبال النجاح في كل اوجه حياتك
واشكرك جزيل الشكر على كلماتك الطيبه في حقي
وانت كمان
u too r So Cute
thnx bro
اجمل تحيه
ودعواتي لك بالتوفيق والنجاح
في حياتك
اختك... وسق

[مطر صيف]

الله يبارك فيج يا غالية


كيف عرفتي
SoCute (R) :s:

هذي شخصية يديدة مخبيها :cool:

[حاملة المسك]

(s)

Do u know who u'r dealin' with








معظم الوقت الناس الكوول بيكونوا كيووت

ما يبي لها شطاره*10

لا جد يو آر سو كيوت
لايق عليك النك نايم

[ضاوي]

وعقبال لنا ان شاء الله

ما نوصل للي وصلته

[عادل ال راشد]

السلام عليكم

كل الشكر للاخ العزيز SoCoool على تفضله ورحابة صدره على اجابته لاسئلة الجميع

اتمنى لك التوفيق وتميز فى حياتك العلمية والعمليه


تقبل تحياتى

[عادل ال راشد]

تحديث:r: