جديــــــــدة والحرب

[علك حريم]

ايــــــــــــــــــــه ...
جديــــدة وما أدراكم ما جديــدة
اول شي نعرفكم به ..
جديدة هذي تصير جدتي
وكلمة جديدة = تصغير جدة
و هي من الناس المساهمين في وجود علك حريم على وجه الارض
قومو امطخو رويسه
http://www.alwasan.com/vb/images/smilies/1/27.gif

طبعا مافيــــه أحد بالعالم هذا كلوووووووووووه متحمس لهالحرب وضايقن صديره مثل جديدة
اقوم الصبح الاقيها قبال هالتلفزيون
ارجع بعز القايلة الاقيها قبال هالتلفزيون
اقيَل واقوم من هالقيلولة الاقيها قبال هالتلفاز << تغيير
اطلع من البيت وارجع الاقيها عند هالتي في
صرت ارحم التلفزيون والمذيعين
بس ودي اقوم واعطيهم موية.

وفي يومن من الأيام وبالتحديد يوم التيوزداي .. الفيفتيييينث اوف محرم ..
كنت راجعتن من هالجامعة ومهدوووووووووودن حيلي
وتافلتن العافية ..ما اشوف بعيوني الا شكل المخدة
واول ما شرفت بيتنا .. ما اسمع الا لسان يلعلع
طلعت جديدة
جديدة : علللللللللللللللللللللتس تعالي هنيّا
علك حريم : هــــــاه ياجديدة ..امطخ << تحب راسه .. وشلونتس اليوم وكيف امسيتي
جديدة : انتي وش عليـــتس من.. الحين شوفي العالم مقلوبن فووووق حدر
علك حريم : ورااااه وش صــــاير بعد http://www.alwasan.com/vb/images/smilies/1/19.gif عبدالرحمن بن سعود صرح تصريح جديد ، والا حسين عبدالغني كفخ لوه احد ؟؟
تراي انا ما اعرف لا بن سعود ولا ولد عبدالغني
بس جديدة قبل تقص لي قصصهم ..
جديدة : وش عبدالرحمناوه ووش حسييينوه.. وراتس يا بنيتي صايرن تفكيرتس سطحي الله يهديتس
علك حريم : سطحي : | ما كنتس انتي يا جديدة الي محفظتن هالاسماء .. ولو انوه علي تسان ما تعديت ابو نورة
مير انتي الي خربتيييييييييين
جديدة : اتركينا من هالخرابيط واسمعي
علك حريم : هــــاه << وهي تناظر الساعة
جديدة : يقولتس الي ينام بالحوش
علك حريم :وشو وشو وشو وشو !! منهو الي ينام بالحوش لا يكون ابوي انهبل بعد ؟؟
http://www.alwasan.com/vb/images/smilies/1/08.gif
جديدة : وش ابوووووووووتس بعد انتي.. هذاك العص صديق الدب الي ابوه فزع معنا يوم حرب الخليج
علك حريم : << انواع التتنيح .. جديدة وش تخربطين .. اخلصي علي تكفييييييييين
جديدة : يا ربيييييييه وراي انا يوم ربي رزقن بحفيدات خلاهن معدومات الثقافة
علك حريم :http://www.alwasan.com/vb/images/smilies/1/13.gif << ماتهزئت أبد.. جديدة لو سمحتي انتي اكبر مني وما ودي اغلط عليتس
<<ياشين الي يتوهقون
جديدة : وه اسمعي يا الغبية
علك حريم :http://www.alwasan.com/vb/images/smilies/1/10.gif
جديدة : يقولتس ابو نفسن شينة الي مايحتسي الا وهو ماخذن لوه زاوية الي بالجزيرة .. ان بوش يهدد ويقول(( علمن يوصلك ويتعداك يا ابو عدااااي ..
ان ماشلت قشك انت وعييلك وطسيتو من هالعراق والا بيجيكم شين ماشفتوه ..لكم هالفورتي اييت آورز
والا ترى الحرب جايتكم جايتكم ))

علك حريم : ووش السوات يا جديدة ؟؟
جديدة : والله يا بنيتي السوات سوات ربتس و الموضوع ما ينسكت عنه ابدن
علك حريم : ووش بتزينين
جديدة : مالتس شغل انا اتصرف
علك حريم : قولي لي وش بتزينيييييييييين
جديدة : خلاص انزلعي اخمدي انا ابتصرف وبس
علك حريم : طيب بيصير فيه حرب والا لا ؟؟ يعني اروح لهالجامعة واجاهد في سبيل العلم ؟؟ والا اوزي جهادي لخدمة الوطن ؟؟
جديدة : ابد هذا الي انتم تبووونه .. لا طسي لدراستس وادرسي وكافحي مثلي << امحق .. وعطل مهنا عطل
اجل تبون شعب كامل يموت عشان حضراتكن تعطلن .. معصين تمصعكن
علك حريم : الحين وش انا قايلة بسم الله علي .. وراتس اكلتين بقشوري .. الي يسمعتس الحين يقول كللللش جديدة عنان
الحين وراي قاعدتن هنيا ومعورتن راسي .. يا الله جديدة ابطس اخمد تبين شي

جديدة تهوجس وسافهتن

علك حريم : جديدة .. تبين شي؟؟

<<< مازالت جدتها تسبح في بحر هواجيسها

علك حريم : مع السلامة

<<< ماتشوفون الا غبرتها

-----------------------------------------------------------------------

في اليوم التالي
الاربعاء
الساعة : السابعة صباحا واربع دقائق

علك حريم : صبحتس بالخير جديدة
جديدة : هلا هلا
علك حريم : وش آخر الاخبار ؟؟
جديدة : الحين انتي ما وراتس جامعة .. يا الله اهوووه انتزلعي من قدامي
علك حريم (( والخيبة تعلوها )) : طاااااايييييييييب يا جديدة

-------------------------------------------------------------------------
عند الاشارة تكون الساعة الواحدة مسائن وتسعتن وثلاثون دقيقة وعشر ثواني

<<< جت من الجامعة

علك حريم : بالخير يا جديدة
جديدة : ......
علك حريم : وراتس حاقرتن وما تردين علي .. وش انا مزينتن لتس يادافع البلى .. جزاي بعد اني معطتس وجه ومخليتس
تهذرين علي كل عصرية وتعورين دميجتي
ايــــــــــــــــه يـــــــــا بعدي يا أنا ما اقول القاهاه بالجنة ان شا الله
جديدة : اففففف بس .. ما ودتس تهويننا شوي .. تراتس بديتي تحومين تسبيدتي
علك حريم : اف اف اف ياجديدة وش هالالفاظ .. تهويننا اجل !! وراتس صرتي عربجية
وبعدين انتي وش الي قلبتس علي .. من اول وش حليلتس .. تراي انا مالي دخل بالحرب والله .
وان كانتس زعلتن علي عشاني قلت ابي اجازة تراي والله ما ابيها بس ابي رضاتس علي
جديدة : خلاص سامحتك بس طسي عن خشتي
علك حريم وبكل براءة : طااااااييييب << وتقوم تحب راسه
<<< كنه مسويتن شي يحول
<<< يابعد الدنيا بس
---------------------------------------------------------------------

عند الاشارة تكون الساعة الرابعة مسائن ودقيقتن واحدة

علك حريم : بالخير جديدة
جديدة (( مرتزة عند التلفزيون كالعادة ومتشعمطة بالتليفون )) : هلا هلا
علك حريم (( يعنني زعلة عقب الي صار )) : تراي منب جايبتن لتس القهوة ..
جديدة : ما ابي قهوة ويا ليت تطسين عن وجهي

فجأة

ترن ترن .. ترن ترن .. ترن ترن << التليفون

جديدة : الااااااو
مجهول: ممكن هالسع احشي مع جديدة علك حريم
جديدة : ايه جديدة وصلت خير .. بس وش يعرفك ببنيتي عللللتس
جدتي تناظر وتغمز بعين : والله منتب سهلة يا علللتس
علك حريم (( يقاله زعلة )) : لا تحاولين منب جايبتن القهوة
جديدة : اص بس خلين احاتسي الرجال
علك حريم : رجللللللللللللللللللل ..!! يا الله لا تسخط بنا بس .. ايـــه الله يرحم زمانك يا جديدي .. تركتنا وخليت المرعى ترعى
جديدة : ايه صدام معك انا معك
علك حريم : صداااااااااااااااااااااااااااااااااام !!!!! وش ذا جديدة منتب صاحية وش تبين بصدااااااااام
تراي والله مالي دخل وخلاص صرت احبتس وابجيب لتس القهوة
جديدة (( وهي تناظرن بعين )) : اسمع يا صدام وانا اخيتك .. انا اشهد انك رجل ومثل قليل بهالدنيا
<< بدت تشك ان ججدتها حاطة العين على صدام
جديدة وهي مسترسلة بالحديث : صدام انت معك علم انه ماباقي من هالمهلة الي عطاك اياها هاللي ينام بالحوش الا 12 ساعة
وراك ياخيي ما تستهدي بالله وتجي عندنا بالسعودية .. انت وساجدة وعدي واخيينه .. وتقعدون بمكة تتعبدون ربك .. وابد محفولن مكفول ..وان كانه على عدي ابد قله يجي ونخليه عندنا بالرياض .. نمشيه بالفيصلية والمملكة
هاه وش قلت
وبعدين خلاص وانا اخيتك .. مابقا بالعمر كثر الي راح .. يعني ييزي مشا الله
حرب ايران 8 سنين .. وحرب الخليج .. وغيره وغيره
يعني ماحامت تسبيدتك من هالحروب
صدتز ان هاللي اسمه بوش حمار .. وخسيس .. وكلب .. وماينعطا وجه ابد
بس وش نسوي وانا اخيتك .. ذولي يهود مايخافون الله

هاه صدومتي ما رديت علي
صدام : لا ابووووووووش لا ابو الي خلفووووووش .. ولعن الله ابو شااااربش
جديدة : يؤ .. وراك حنتشت علي الحين .. لا تلعن يامال الصلاح .. وابيي ماكاره خله بقبيره .. الله يرحمه ويسكنه فسيح جناته
بعدييييييييين كل هالنعومة وتقول ابو شاااااربش .. صدتز ما تعرف الحيا
مير الشرهة مهب عليك .. الشرهة علي انا الي معبرتك وعازمتك على حسابي .. مير مررررر
<<< خدش انوثتها

طررررررطخ << جديدة سكرت الخط

جديدة وهي معصبة : ناس ما تربو

علك حريم وهي انوااااااااااااااااااااع التتنيح وماتدري هي بحلم والا علم : منهم الي ما تربو .. لا تكونين تقصدينن بس
تراي اعرفتس من تحت لتحت

جديدة : وش كارتس انتي الحين .. الا تبين تخلين لنفيستس بطولة .. انا اعني ابو عدااااي

علك حريم : الحين انتي صااااادتزة باللي صار .. تبين تجيبين عدي ببيتنا وتودين صدام واهله لمكة

جديدة : ايه وراي منب صادتزة .. اجل اخلي ناس يموتون ويذبحون وهم مالهم ذنب ..وانا جديدتس تشوفين انتي حال هالعراقيين يحول من حرب لحرب .. من حرب لحرب .. لاحياة زي العالم والناس ولا عيشة تنفع .. ماكنهم عايشين بالالفية الثالثة

علك حريم : << ماتدري وش تقول
<< منبهرة بجدتها
طيب الحين وش بتزينيييين

جديدة : مدري يا بنيتي .. السوات سوات ربتس .. مير مالي الا بوش احاول بوه .. كود هاليهودي يجي منه ولو مرة وحدة خير

http://www.alwasan.com/vb/images/smilies/1/30.gif << علك حريم مفتحرة بجدتها

------------------------------------------------------------------

عند الاشارة تكون الساعة السابعة مسائن وخمسطعشر دقيقة ووعشرون ثانية

جديدة : الااااااااااااو الوايت هاوس
بوش الي ينام بالحوش الله لا يهينكم

بوش : يس ذس از بوووش

جديدة : ياهلا والله ثم هلا .. تو ما نورت سماعة تليفوني
<<سياسية هالعجيز

بوش : وت دو يو وووونت .. اخلصي علينا

جديدة : ابد الله لا يهينك انا زاهمتن علييك .. وكلي آمال بأنك تسمع كلامي

بوش : يس ..

جديدة ( متلعثمة ) : اممممم
آآآي آآآي آآآآي .. ياخيي انا ودي اقول وراك انت وهالبلير ما تستخيرون وتهونون عن هالحرب الي مهب جانية الا الرماد

بوش : وااااااااااااااااااااات ؟؟ نهوووون
مأصين تمصأتس( معصين تمصعتس) يا جديدة .. ذا وار از كمنق يعني كمنق
السالفة على كيف يور فاذر يعني ؟؟ بعدين اف ذا وار از كانسل هو ويل هاف ذا اويل ؟؟
الحرب قايمة قايمة .. لا محااااال

جديدة : يا رجال اسمع بنصيحتي .. وهونو .. تراكم مو قدها .. العراق كبيرتن عريضة .. وشعبها موهب هوين .. تراهم ابطال
تحسبهم مثل غيرهم .. هذولي وانا اخيتك متعودين عالحرب .. من يوم عرفو هالدنيا وهم بحروب الله يكون بعوونهم .. موهب ناقصينكم انتم بعد ..
وبعدين تراكم مصدقين اعماركم .. امريكا وامريكا .. خذها مني نصيحة ولا تفشلون اعماركم

بوش : وت دو يو سي جديدة .. حنا عندنا البنتاجووون

جديدة (( وهي تضحك ضحكة كلها خبث )) : بنتاجووون ما بنتنجووون .. بتنجلدووون يعني بتنجلدوووون

وطررررررررطخ << سماعة تسكرت بوجه رئيس ثاني

جديدة (( تكلم نفسها )) : ناس مايفكرون ولا يشوفون الوضع بنظرة مستقبلية

علك حريم (( قامت تبجيلا وتعظيما لجدتها العظيمة )) : بعدي والله هذي الجديدة السنعة
بس ماقلتي لي تبين هيل والا مسمار
والا وش رايتس بالنخوة عقب ما صدعو بتس هاللي مايستحون

جديدة : انقلعي عن خشتي .. باقي كم ساعة على الحرب وذي تقول هيل والا مسمار

علك حريم : يعني نجهز شناطنا ؟؟ بنروح للقصيييييييييم ؟؟؟

جديدة ((تزعق زعقة نقزت علك حريم وجدعتها بغريفتها )): فااااااااااااااااااااارقي عن لا بارك الله فيتس

--------------------------------------------------------------------------

صبـــــــــــــــاح الخميــــــــــس

الساعة الثامنة صباحا

http://www.alwasan.com/vb/images/smilies/1/02.gif

الجيوش الامريكية اللعينة توجه ضرباتها الجوية على بغداد

وجديدة قاعدة قبال هالتلفزيون ماغير تدعي ربها وتمسح بهالدميعات

وعلك حريم تشوف جدتها تصيح وتصيح معها وهي ما تدري وش مصير هالعالم عقب هالحرب
وتفكر .. يوم السبت تروح للجامة والا لا ؟؟؟؟؟؟

وصدام يطلع بالتلفزيون وهو كاشخ بالبدلة العسكرية ويحث الشعب على الصبر والجهاد << يعني وش تبيهم يسوون يحوي

عاد ما يندرى هو صدام والا ..
http://www.alwasan.com/vb/images/smilies/1/20.gif

وبوش يصرح ويقول .. اكثر شيئ ازعجني بهذه الحرب ان المهلة المتاحة لصدام حسين انتهت اثناء عشائي مع زوجتي

<<< عساك ما تحدره قل آمين

<<< يقطع ابو السخافات الي مثلك يا شيخ

---------------------------------------------------------------------------
اللهم انصر اخواننا المسلمين في كل مكان .. اللهم انصرهم في فلسطين والعراق .. وفي كل مكان
اللهم كن بعون الشعب العراقي .. واشدد من ازرهم
اللهم دمر جيوش الاعداء اليهود وازرع الفتنة بينهم

[Low fat]

هههههههههههههههههههههههههههههههههههههههههههههه
مـــــــــــــــــــــــــــــــــــــــــــــــــ ـــــا
أروعـــــــــــــــــــــــــــــــــــــــــتس
ياجديـــــــــــــــــــــــــــده
يااااااااحلوووووووووك موووووووووووووتين من الضحك الله مير يسلمتس والله ان عندي اختبار وضايقن صدري بس و سعتيه جعلتس بالجنه

لي رجعه بس بطس ادرس

[نواره]

وااااااااههههههههههههههههههههههه
يا خفففف دم ذا الجديييده قسما بالللللللله
<------ دخلت جو مع القصه بقوووه
علتتتس حرييييم اهنيتتتس على ذا السناااريو الرائع <-- ما سرقتها من احد
من جد بموت من الضحك
و ياااااا جعل ذا المنسدح بالحوش المووووت

[لـــيـــه؟؟!!]

ابــشرك ياعلك الحريم..جدتك سيقف لها اعضاء الوسن..تمجدياا واحتراماا..لما بذلته من جهد عظيم..لايقاف الحرب..التي لاتجر من ورائها الا الرماد..اقصد الدمار..وسوف تكون اسطوره بين سطور التاريخ
عــاشت لنــا جديده
(s)



<<<وش تبي:s:


من جد ظحكتيني ياعلك الحريم..جعلك ماتصيرين علكه بلسان الحريم<--ماادري وش جاب الطاري:r:

[علك حريم]

لو فــــــــــــــــات

جعل ربي يوفقتس قولي آمين

وتشكرات كثيرات على رفع المعنويــــات

وهنتس ترجعين طسي ادرسي

---------------------------------------------------------

نوااااااارة

ياحبييييييييييييلتس يا خية

وترى جديدتي عازمتس على النخوة

بس تقول عقب الحرب

-----------------------------------------------------------

ليـــــــه

جديدتي واقفن لها ابوي تبجيل واحترام

وهو الي عطاها وجه

اجل تزهم على صدام وبوووش !!

افا يا ذا العلم

------------------

صقيقااااااااااااااااااااااااتي تشكرات كثيرات لانكم عبرتوني ورديتو علي .. ما ادري ليش الوسن ما يحبوني ويردوون علي مع اني احبهم كلهم
http://www.alwasan.com/vb/images/smilies/1/29.gif

[احمد]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه

الله يقطع شيطانك

والله انتس رهيبة انتي وجديدة

تبيعونها علينا :o

ما يكفينا علتس حريم

نبي نشوف وش سوت جديدة باقي ايام الحرب

[WaHaM]

هههههههههه
وش هالكوادر الدراميه الي عندنا بالوسن
اهنينا يا اعضاء الوسن على علتس حريم


من جد ابدعتي ياعلتس
قولي امين الله يحفظلتس جديده ويخليها ذخر للامة العربية

[العجيب]

يؤيؤيؤيؤؤيؤؤ

زمااان ما شفت صررقعه بالوسن مثل هيك

يسلمووو علك حررررريييييم:lol: :lol:

تشكرررااااتووووو ..(^)

عجيبوووووو

[WaHaM]

وش قصدك عجيب؟

احنا ارقوزات؟

[العجيب]

يؤيؤيؤيؤ

كل ذاا حسد:P:lol:

خلينا نرررفع من معنويياتهاااا:D

خلوهااااااا تنبسط هاليومين:D:mad:

[WaHaM]

عاش مرقع

(s)

[العجيب]

مو لازم تصدقين:^:

[WaHaM]

من قال اني بصدق؟

(s)

[العجيب]

اناااااااا:mad:

[WaHaM]

اجل لقط وجهك
خخخخخخخخخخخخخخ

[العجيب]

هاهاهاهاهاااا يا بررررردك(s)

[نواره]

لا تخربون موضوع علكتنا الرهيبه

[Saudi]

هههههههههههههههههههههههههه

رهييييييييييبه جديدتس ذي ماعندكم منها زياده (s)

صراحه سينااااريو رهيب وقصه محبووووووكه مره ابداااااااعشين

شكرا سعيدا <---- مسكت معه :lol:

[علك حريم]

أحمد

جديـــــدة معروووووضة للبيــــع ؟؟http://www.alwasan.com/vb/images/smilies/1/19.gif

لا تسمعك بس والا ترى تستدعي ولي امرك

تشكرات كثيراااات احمد .. ولا تضحك لانك ما تدري جديدة وش سوت باقي ايام الحرب .. فشلتنااااااااااااااا
http://www.alwasan.com/vb/images/smilies/1/29.gif

----------------------------------------------------------


WaHam

تشكراااااات كثيراااااااات
والله مير يسلمتس على هالمدح .. ويخلي لكم جديدتكم قولي آمين

----------------------------------------------------------

العجيب

يسلمك ربي وانا اخيتك .. وعفواااااتو

بس وراك تجاملن http://www.alwasan.com/vb/images/smilies/1/19.gif

---------------------------------------------------------

موضوووووووعي صار شااااتنق للوهم والعجيب

لولا انتس يانوارة سيطرتي على الوضع .. والا تساااااان علوووووم

http://www.alwasan.com/vb/images/smilies/1/29.gif

--------------------------------------------------------

Saudi

<<<< اللون يناسب من اليوزر

يا خيي يا سعودي انا من يوم قريت قصة كوين سوسو وانا كل ماقريت يوزرك جتن رهبة مدري من وين
http://www.alwasan.com/vb/images/smilies/1/15.gif

الظاهر كله من البشت



تشكرات كثيرات .. والله مير يسلمك .. بس وش تبي بجديدة http://www.alwasan.com/vb/images/smilies/1/10.gif

عفون سعيدن <<ماتدري وش تقول

------------------------------------------------------

شكرنننننننن لكم كلكممممممممممممم واهم شي ان الموضوع جازلكم

http://www.alwasan.com/vb/images/smilies/1/01.gif

[نواره]

نحنو داااايم في الخدمه

[Saudi]

هههههههههه

يا ذا البشت اللي رزني قدام العالم مادري كيف اشكر كوين سوسو على هالهديه هع هع هع



نوراه الاتصالات موب نواره :P

[Low fat]

صديعتي
الســـــــــــــوري
المورتــــــــــــــــــــانيه
مـــــــــــــــــــــــــــا
أروعـــــــــــــــــــــــتس

[علك حريم]

نوارة

http://www.alwasan.com/vb/images/smilies/1/27.gif

نخدمتس بالافراح .. قولي آمين

--------------------------------------------------------

Saudi

كاشخ علينا ببلاش http://www.alwasan.com/vb/images/smilies/1/19.gif

----------------------------------------------------------

Low fat

فضحتيييييييييييييييييييييييييني بسالفة موريتااااانية

http://www.alwasan.com/vb/images/smilies/1/29.gif

الي يسمعتس الحين يقول معطتن جنسية كندية

http://www.alwasan.com/vb/images/smilies/1/19.gif

[Low fat]

وش فيها المورتانيه هاااااااااه؟؟

[عبيد الافدغ]

والله ياجديدتس ذي فلتن بالحييييييييييييييييل:lol:

يالمصررررررقعه وش ذاااااااا المووضوع :lol:

وعلى فكررة على طاااااااار ي الجديدات ياااعندي وحده تحفه

كل مااااقوووووووووول شلوووونك جدتي قالت الله يوفقك اقووووووووله كيف حاللك تقووولي الله يسهل دربك

ماااااااسكه معهااااااااا دعااااااوي بس شغلتهاااااااااااا كيذااااااااااا

على فكرة خريجة جااااااامعة هااااااارفرد في فن الادعيه:s:

لااااااااااا ولهاااااااااا سالفه يووووووم سجلناهااااااااا هناااااااك

اقووووووووولك السالفه بعدين

سي يوووووووووووووووووو

[~كيــــــــوتي~]

ههههههههههههههههههههههههههههههههههههههههه

هههههههههههههههههههههههههههههه
ههههههههههههههههههههه
هههههههههههه
هههههه
ههه
======================حشى تنزل درج ذي مب تضحك
ياحبي لك ياعليكة والله العزيم دا دمك شـــــــــــــــربات انتي وجديدس ذكرتن بأمي حصة الله يذكره بالخير هي وكليجته:Crying: يابعدي يا اميمتي...

ثانكس يو على الموضوع الشيق والله خففتي علي حرارة هالجمعة=====قاعدتن بالشمس طول الظهر الله يهدين ألعب سكوتر


سلااااام:m:

[عبيد الافدغ]

الله مييييييييييييييير يقطع سواليفك اجل:

أمشي وأفكر فيك والعقل بك محتار....
أتخيل اني معك لين صقعني جدار....
===== أزين أستاهل


هههههههههههههههههههههههههههههههههه
هههههههههههههههههههههههههههههخخخخخخخخخخكككككككك

الله يرجك رجااااااااا مبرحاااااااااااااااااااااااااااا

طيب وبعدييييييييييين وش صاااااااااااار
اكيييييييييييد قالوللك روحي للختياااااااار
عنده ادويه واعشااااب شاريها من العطااار
رحتي للعطااااااار عطاك الحبه السوداء مع مسماااااار
قال اكليهااا وانشالله ماراح تصقعين بجداااااااااار.....

حلوووووووووووووة التكملللللللله صح<<<<<<<<<<<<لاتفشليني

:s:

[علك حريم]

ياااااااااااااااااااااااربيييييييييييييييييييييييي ه ... ويييييين رااااااااااااااااااح الجزأ الثاني

وتسبديييييييييييييييييييييه .. http://www.alwasan.com/vb/images/smilies/1/29.gif

جديدة ضاعت بالعراق يعني http://www.alwasan.com/vb/images/smilies/1/04.gif



كيوتي ...
يابعدي جيتي وانا مدري وشلون قايلة ... مير تسلمين يا قلبي
وجيبي امتس حصة نعرفه على جديدة .. كوده تهبطه وتعقله




عبيد الأفدغ ..
تقولك كيوتي خلنا نسوي ديوتو

[عبيد الافدغ]

:Dreamy: للاسف متفق مع ذكرى:Dreamy:

[~كيــــــــوتي~]

هههههههههههههههههههههههههههه
عبيد اها بس انت ووجهك..........سارقن قصيدتي وانا مدري؟؟؟؟:lol:

هههههههههههههه بصراحة حلوة التكملة اعجبتني بس لسا مارحت للختيار مدري الحمار مدري الدكتور المهم لانضيع سالفت اخيتنا الحبيبة عليكة ايه ياعليكة انشالله بجيب امي حصة لمس عشان تقعد مع جديدة وتفكنا من نقنقته
بس ماغير تون وتبي مطازيز!!:g:

[عبيد الافدغ]

كيوتي:

(s) متى شفتي وجهي يالدبه(s)

[علك حريم]

كيوتي ..

تراي ما اضمن لتس الوضع .. يعني ممكن جديدة تخرب امتس حصة بأقرب لحظة

[الملحوس]

الله يشاافيكم ولايبتلينا


امييييييييييييييييين

[~كيــــــــوتي~]

افدغ

هذاك رازن الصورة شفه وش ملحك انت وسنيناتك يتراقصن لا هب الهوا من طولهن


عليكة حبيبة قلبي

هههههههههههههههههههههه ايه بس والله انس صادقة الله يستر لا يخربن بعض


الملحوس==ملحوس منجدعرف يسمي نفسه

انت مير غاسلتن يدي منك ماغير تدخل تتريق وتحمد ربك ولا توع وع على العالم عسى ماشر يا (تاركان):^:

:D من دون زعل

[عبيد الافدغ]

:cool: بالله عااااااااااااااد مهوب رزة انااااااااااااااا بالصورة:cool:



:r: ترى سنياناتي سر جماااااااالي:r:

[علك حريم]

وأنا أشهد http://www.alwasan.com/vb/images/smilies/1/16.gif

[عبيد الافدغ]

:Smiley : شفتوووووووا علتس تشهدلي:r:


هيييييييييييييييييييييييييييه هيييييييييييييييييييييييييييه

[علك حريم]

اشتهيت اوديك لسوبر ستار .. نشوف وش تقول بك ذيك العجيَز

[احمد]

على طاري العجيز

وش اخبار جديدة :o

[عبيد الافدغ]

منو جديدة :s: <<<<<<<<<<<ياشين الافدغ لاتمليح:lol:

[علك حريم]

أبد تنوز وتسابق البنوز


يا قلبي سقطت كل أحلامها بسقوط بغداد http://www.alwasan.com/vb/images/smilies/1/16.gif

[الملحوس]

خلاص رااحت بغداد جعلك متروحين مراحها

اقولكم دريتو اعبيد الافدغ بيعرس الاسبوع الجااي

بااركولة الله ليهينكم

خلو يحس انة في نااس مهتمين فية

تراة خوش ورع

على العموم الف الف مبروك اخوي اعبيد


ههههههههههههههههههههه

الملحوس

[علك حريم]

ايـــــــــــــــــــــــــــه ياحرّي حرّااااااااااااااااااااااااااه عليك يا بغداد







بس تعال هنا يا الملحوس






صدق عبيد بيعرس ؟؟؟

[Low fat]

وين جديدك ألحين؟؟

[علك حريم]

جديدتي سلمتس الله فبيتنا







بغيتيه بشي ؟؟

[نواره]

علك حريم
حطيتي الجزو الثاني حق ذا الموضوع ؟؟

[احمد]

لا عجازة

ولو حطته بوديه المواضيع المميزة :o

[~كيــــــــوتي~]

:g:

افيدغ من متى ناوي تزوج ولا قلت لي اخطب لك؟؟:Indiffere


هين انت ووجهك:^:


احيمد هههههههههههههههههههه يعني بزعمك تبيها تنزل الجزء الثاني:lol:

[احمد]

ايه وش يمنع

وانا عارف انها تقدر بس معديتها وهم بالزوالة :o

[علك حريم]

يؤ




وش بلاكم انتم



نسيتو الجزأ الثاني يوم انزله ؟؟؟؟

هو صدتز موهب بحلى الاول

<<< وشهد شاهد من اهله

بس وراكم ماشفتوه ؟؟



هين مير نوارة ماعليه شرهة يحول .. كانت بحلتن ببيتهم الجديد..عساو منزل مبارك ان شا الله

وكيوتي جت للمنتدى عقب ماخرب .. والله لا يعيد ذاك الخراب مرتن ثانية ..
يعني ماشافته


مير انت يا ا حمد وراك ماشفته ياخيي؟؟؟


بس بما ان السالفة فيها مميزة
http://www.alwasan.com/vb/images/smilies/1/27.gif
نحط لكم ثاني وثالث بعد لو بغيتو
http://www.alwasan.com/vb/images/smilies/1/27.gif



تامرون امر .. كم وسن حنا عندنا


http://www.alwasan.com/vb/images/smilies/1/27.gif

[مهـره]

علتس متى حطيتي الجزو الثاني :f:
ماشفتوه (s)

[احمد]

يله


ننتظر


وحطيه هنا علشان ما اتكلف بنقله

<==== عجاااااااااااز ههههههههههههه

[نواره]

شفتي يا دبه
يالله نزلي الجزء الثاني خلينا نشوفه
و بيروح للمميززززززه

[عبيد الافدغ]

كيوتي :

لييييييييييييييييه غيرتي توقيعك حررررررررررررررررام عليك:Crying:

[علك حريم]

سموووووووووووووووو كلكم



والله مير يجبر بخواطركم على هالحماس



صدتز فرحتوووووون












عمي زول احمد..




سم طال عمرك ....

يا انك راضعن مع زولة بعد .. حليبهم طاااااااااااااااااااازة

[~كيــــــــوتي~]

عليتس انتي ووجهس لا ينتفخ راسس بس علينا همن تنسين ربعس همن تنسين ايام الوناسة والفشفشة يوم اننا نروح للبقالة مع بعض نشري حلاو بقر وعلوك
:Crying: :Crying: http://yini.lili.cc/li3.net/gif/20011222/bann2.gif

==============الحين وش جاب السالفة ذي:Indiffere


عبيد الافدغ

وش فيه توقيعي هاااااااااااااااااااااه مب عاجبك؟؟:mad:
ميــــــــــــتر ازين من اللي واثقن من نفسه ورازن صورته وضروسه تهف مع الريح:^: ولا هاللي يتراقص ياكافي توه طالعن من القبر بسم الله علينا========ماتنتحارش ابدhttp://yini.lili.cc/li3.net/gif/20011222/bani1.gif

[عبيد الافدغ]

كويتي :

:lol: متمليحه البكله الصفراء اللي بشوشتس :lol:

[علك حريم]

اقول يامال الصلاح اركدو وشوفو جديدة وش سوت بنا





وانتي يا الكيوتية

وراتس بحلتي بتواقيع خلق الله

[علك حريم]

يمسيكم بالخير كل ابوكم

هنا علك حريم تحييكم من جديد

<<< يقالكم مقدمة



http://www.alwasan.com/vb/images/smilies/1/27.gif




طبعا جديدة ما تدري عن هالعلوم والاخبار الي ابقولهن عنها ..

تخاف ان مخططاتها تبيئ بالفشل

بس وش اسوي انا احبكم وما ودي اخبي عنكم شين أبدن ..

تخبرون يوم الخميس .. يوم هاليهود الملاعين يبدون بضرب العراق

من عقبها وجديدة مشششششتبة ..

تسنها بنية بثالث ثانوي وطالعة نتيجتها وسواقهم رايح يشري لهم الجريدة الي فيها النتيجة وتأخر عليهم .


ما تقعد أبد .. وكل يوم تكز هالسواق يجيب له الجرايد العدد كلوه ..

وتربطني بشيلتها عشان اقعد اقرا له

ما كن وراي الا هالجديدة.


http://www.alwasan.com/vb/images/smilies/1/19.gif <<علك حريم اثناء قرائتها للصحف


المهم


عقب هالخميس المشؤوم بأسبوع

وتحديدا الخميس الي عقبه الي هو اربعة وعشرين محرم

صحيت هالصبحية وكالعادة رحت لغرفة جديدتي الله لا يخلين منه


الا وش القى ...

http://www.alwasan.com/vb/images/smilies/1/04.gif

غرفتن فاااااااااااااااضية ..
حتى الدواليب تصفر مافيها شي

وما دريت بعميري الا وأنا ازااااااعق

علك حريم : يممممممممممممممممممممممممممممممممممممة ..
http://www.alwasan.com/vb/images/smilies/1/29.gif

أم علك : وضربة .. وش هالزعاق على هالصبح .. انثبري

علك حريم(( وهي تشاهق من الصياح )) : بلاتس ما تدريييييييييييين

أم علك : وش بتس بسم الله عليتس .. ووش هالدميعات..لا يكون صدام جانا

علك حريم : وش صدامه .. شي اخطرررر اخطرررر ..
جديدة اختطفت .. جانا الحرامي وسرق كل شي بغرفتها .. وشكل جديدتي الحبيبة اكتشفته فقام وسرقها هي بعد
تخبرينه صغيرة مهب تعوق ..
يمة ابي جديدتي العظيييييمة .. جيبيها لي .. ازهمي على الشرطة ..
http://www.alwasan.com/vb/images/smilies/1/02.gif

أم علك : انتي وش تخربطين .. والحرامي وش يبي بجدتس .. صدتز ما عندتس ما عند جدتس

علك حريم : ليت الي عندي يجي ربع الي عند جديدتي .. مير انتي وش يعرفتس خليتس ببزارينتس ..
الحين بتجيبين لي جديدتي والا ترى والله ما يردن الا وزارة الداخلية

أم علك :http://www.alwasan.com/vb/images/smilies/1/34.gif
اقول يامال الصلاح امشي للغرفة نشوف وش الدبرة ..



ويروحون أم علك وعلك حريم لم الغرفة (( غرفة جديدة ))
.. وعلك حريم أنواااااع الشهاق
<<< بعذرها يحول .. من بتقرى عليه الجرايد كل يوم
<<<بتنعدم عندها الثقافة



أم علك : يؤ .. صدتز الغرفة تصفر

علك حريم : وانا وش اصيح عليه من الصبح ..

أم علك : ووش السوااااااااااات

علك حريم : مدرييييي.. ويييييييييينتس بس يا جديدة تفكرين لنا وتعلميننا وش نسوي .. توي اعرف قدييييرتس يا اعظم جديدة بالعالم<< وتبدا بالمناحى

أم علك : مالنا الا ابوتس .. يااااا ابو عللللللللـــ ...






فجأة ...








أم علك : علك حريم ناظري

علك حريم : وشو !!

أم علك : شوفي فتحي عيونتس هاللي مدري وش سنعهن .. ناظري التسريحة

علك حريم : اييييييييييييه يا بعدي شكله متريجتن الحرامي انه يخلي لي كسرة من علك الحريم حقه عشان اتذكره بوه
يا حبيييييييييييييبتييييي يااااااااا جديييييدة .. والله اني احبتس .. ذكرتين حتى وانتي تختطفيييين
جديييييييييييييييييييييييييدة احبتسسسسسس

أم علك : صدتز انتس مخفة .. يا الكمخة شوفي مراية التسريحة .

علك حريم : لو سمحتي لا تهزئين .. والا عشان ماعندي جديدة تتدافع عن .. خلاااااص صرت مكسووورة جناح يعني

أم علك : أقول انثبري تراي انا اميمتس الله لا يخليتس من قولي آمين .. بعدين خلينا من هالمشاعر الي مدري وش تبي وتوه تفطن
و شوفي هالورقة الي على المرااااية

علك حريم : اييييه والللللللللله .. هالحرامي الي مايستحي سارق جديدتي ويبي فدية ..بعد بعد.. صدتز الي اختشو ماتو

أم علك : وش تخربطين انتي .. امشي نشوف وش سالفة هالورقة .





أم علك وعلك حريم يقربون من المراية .. والحيرة تعلوهم .. وما يدرون وين الدبرة معه


أم علك : عليتسة بنيتي .. جيبي الورقة وشوفي وش فيها

علك حريم : لا يا ميمتي اسمحي لي .. يعني صدتز الجنَة تحت أقدام الأمهات .. وصدتز انتي أميمتي .. بس وش ابزين أنا لا جت الشرطة ورفعو البصمات من الرسالة وشافو بصماتي ؟؟ وش بتنفعينن بوه ؟؟

أم علك : أقول مالت على هالخشة الي ماحلاه ربي

علك حريم : شكرا .. بس وراه ما تصيرين فدائية لو يوم واحد .. وتسوين شي بطولي ؟؟
الله يذكر أيامتس بالخير يا جديدة .. صدتز انتس ترفعين الرااااس

أم علك : تتحدين انتي وخشتس
<<< وتروح وبكل قوة وجرائة وتنتزع الرسالة المجهولة

علك حريم : أروووووح أنا مايونيز يا بطولة يا انتي

أم علك : .............
http://www.alwasan.com/vb/images/smilies/1/04.gif

علك حريم : يمة وش بتس

أم علك : ..........
http://www.alwasan.com/vb/images/smilies/1/04.gif

علك حريم : يمَة وش بتس .؟؟ لا تقولين الحرامي ذبح جديدة !!
تراي ابنتحر انا خلاااااااص .. لا حياة من بعد جديدة

أم علك : أقول الله يخلف علي وعليتس .. دوتس اقري .. والا تدرين.. خلين انا اقرى عليتس .. اخبرتس فاشلة بكلَش

علك حريم << ما تهزئت أبد : وراي فاشلة .. كل البنات والاعضاء الوسنيين يقولون اني طالعتن على جديدة ذهينة
مير انتي الي ما تقدرين المواهب المكبوتة الي عندتس .. اقري الحين وخلينا من هالهرج ..

أم علك : اسمعي بس ولا يكثر ....






بسم الله الرحمن الرحيم


وليدي أبو علك وحريمته وعييله واغلى حفيداتي علك حريم

أما بعد ....



انا ما ادري وشلون اببدا هالرسالة .. بلا معكم علم اني ما عمري كتبت رسالة بحياتي .. مير وش اسوي القدر حتم علي انه أول تجاربي بكتابة الرسايل تكون عليكم
الحين اتركوكم من هالهرج واسمعو ..
قصدي اقرو ..

انتم معكم علم عن حال هالعراقيين يا بعد الدنيا يا هم .. ومعكم علم ان تسبدي مشتبتن عشانهم .. ويشهد الله اني منب أنام الليل عشانهم
ماغير أفكر بهم وبحالهم هالمساكين .. وماش ما يهنان اني اقعد تسذا ما غير اصفق يد بيد وبس
لازم اسوي شي عشانهم ..
وقررت اني اطوف هالعالم مساهمتن مني في اعلاء كلمة الحق
وهذي خطة سيري .. باذن الله
ابطلع من بيتكم وابروح لحي السفارات اشوف شغلي هناك
ثمن ابروح لمكة آخذلي عمرة وادعي ربي انه يسهل علي وينصر المسلمين
عقبها بيصير خط سيري كالآتي

الخبر>> البحرين >> قطر >>القاهرة >> ليبيا >> تركيا >> انجلترا >> باريس >> هولندا >> واشنطن

ابروح للبحرين واظاهر مع هاللي يظاهرون بشارع المعارض
عقبها ابنزل لقطر واحوسلكم هاليهود الي مجتمعين هناك .. واحجر عليهم بكل مؤتمراتهم الصحفية واحوم تسبودهم
ثمن ابروح للقاهرة وابسوي مثل ما يسوون اخواننا هالمصريين جزاهم الله خير.. وابظاهر معهم واشيل لوح واكسر مثلهم
عقبها ابنزل لليبيا مع انهم موهب باغيني مير وش السوات
عقب ليبيا ابمر على تركيا واشوف شغلي معهم
ثمن ابدور على هالدول الأوروبية اسوي تحرياتي واظاهر مع هاللي يظاهرون واجتمع مع شيراك وطقته نناقش وضع هالعراقيين يا بعد الدنيا .. ونحاول ننهي هالمهزلت هذي
لا قضيت من الاوربيين ابمر على الوايت هاوس اتفل بوجه هالحمار الي ينام بالحوش
وان ما نفعن خططي الي انا ساهرتن الليول عشانهن
موهب رادني الا بغداااد والجهااااااد
فيا عييلي حللوني وابيحوني .. معكم علم ان الواحد ما يدري وش تزين بوه هالدنيا .. ومهنا ابن لآدم انولد وهو يعرف عمره
فما يندرى انا اشوفكم والا لا
مير مثوانا للجنّة قولو آمين
وانتي يا بنيتي يا علتس ما اوصيتس عاد الله الله بدراستس ترى ما نافعتس غيره
شدي حيلتس وانا جديدتس .. واصبري وكافحي وثابري
تراي حاستن انتس بتغدين سيدة مجتمع راقية.. صدتز انتس مدري وشلون مير مايخالف وانا جديدتس ثابري واجتهدي
ايه .. وتراي حاطتن لتس علتس ييزييتس الدهر كلوه ..
والله اني ابفقد حستس يا بنيتي وحس جرايدتس وقهوتس .. مير الشكوى لله
وان بغيتو مني شي نزلواعلان استدعاء بالجزيرة .. عاد الجزيرة يا حبهم للشر موهب مصدقين خبر
المهم انتم نزلوه .. وانا لا شفته زهمت عليكم




استودعكم الله يا عييلي .. وفمان الي ما تنام عينه










جديدتكم المخلصة ..








ومن يومها وعلك حريم عايشة حياة ما يعلم به الا الي خلقه

ماغير تفكير وهواجيس .. عاد ما يندرى وش ورى هالهواجيس ؟؟






----------------------------------------------------------------------------------







وفي اربعن من الربوعات ..

كانت عائلة ابو علك مجتمعين عند هالتلفزيون ..

يشوفون تمثال صدام العظيم وهو يطيح ..

وعلك حريم كانت تشوف هالعالم ووتدور جديدته معهم





وما درو الا فجأة ..














طون طوووون


طون طوووون


طون طوووون <<< جرس الباب





والعائلة طبعا متحمسة .. ما لمك أحد




طون طووووووووووووووووووووووون << طالعة من قلب






أبو علك : عللللللللللللللللللللللك انتي ما منتس فايدة ابد .. يا الله اهوه قومي فزي شوفي الباب .. بس مفنجلتن لي هالعيون وبس

علك حريم : http://www.alwasan.com/vb/images/smilies/1/16.gif طاااااايييييييب

وشو بس علك وعلك .. علك وعلك ماعندكم غير علك << تكلم نفسها


ابو علك : وراتس كنتس شغالة ماغير ترطنين .. وش تقولين ارفعي حستس

علك حريم : منب اقول شي .. اقول سم






علك حريم (( ترد على جرس بابهم)) : ميييييييييييييييييييييييييييييين

مجهول : افتحي

علك حريم : من انتي طيب

مجهول : وضربة ان شا الله .. اقول افتحي ولا يكثر يا العلوج

<<< فتحت الباب هالدبشة وهي ما تدري مين



وقد كان الطارق






























جديـــــــــــــــــــــــــــــــدة





راحت علك حريم وحضنت جديدتها بقوووووة .. من الشوق الي فيها يحول
وقامن يصيحن


علك حريم تصيح من الفرحة يا قلبي .. ماتخيلت انها تشوف جدتها مرة ثانية

وجديدة تصيح على خططها الي بائت بالفشل .. وعلى سقوط بغداد .. وحضارات بغداد .. وآلاف السنوات الي الي انمسحت من التاريخ ...و...و...و.....





















وياحر قلبي عليــــــــك يـــــا بغداد

[نواره]

اللللللللللللللللللللللله
رااااااااااااااااااااااائئئئئئئئئئئئع
علك حرييييييييم ابدعتي
قسما بالله تحمست مره مع القصه
و انواااااع اللي تاثرت معها
خطر ما اصيح بس

الى المميززززززززززززه =======>

[احمد]

للرفع

وبتفضى له

[Low fat]

هههههههههههههه
صديقتي الصدوقة
ماأروعـــــــــــــــــــــتس

[احمد]

نقل منه نسخه للميزة

ومجهود رائع يا علتس

واتمنى نشوف منتس قصص رائعة مثل هذي


والحمدلله على سلامة العلوج خخخخخخخخخخخخخخخخخ

[نواره]

حركاااااااااااااات
يا علتتتتتتتتتسسسسه
منتب هيييييييينه في المميزه
و الله نبي المزيد من هالابداعات
و ليتك و الله دايم تنورين الساحه المميزه بمواضيعك الجميله

[~كيــــــــوتي~]

هههههههههههههههه الله مير يرجس انتي وجديدس ياحبي له هي وخططه الجهنمية زاد امي حصة ماجته الافكار الغريبةوالجهاد الا من جديدس..
يسلموووووووووو يابعدي


عليكة صديقتييييييييييييييييييييييييييييييييييييي:D

=========ماتمصلح ابد

:Crying: :Crying: :Crying: :Crying:

مادري شقول لس يالغالية مع الفرحة ما اقول الا امطخي لي جديدس ياحبي له
ولا تنسين امي حصة تراه تسلم على جديدس===حتى العجوز ماخلته الا تبي تلزقه:g:

يابعدي انتي اصلا انتي دايم متميزة بوجودي معتس:ok:

يالله عقبال ما انزل موضوعن يطير بي للمتميزين:Dreamy:

[العطار و7]

هلا علتس الحريم اللي يطقطق
طع طع طع
المهم سواليف جديدتس تووووووووووووونس
ولا مسلسل مكسيكي يالكسندرا
هههههههههههههه
نبي الا صدار الثالث
بسرعه

[علك حريم]

كيوتي ...


منب رادتن عليتس ابسوي ثقل


خلاص من اليوم وطالع لاتنادينن الا يا المميزة


تصدقين ذاك اليوم ما رديت على مس مي

بلاه ماقالت المووومااااييييزاااا


<<< بدت تصدق


كيوتي .. سلمي على اميمتس حصة وامطخي دميجته وقولي له تقوله جديدة .. ياخلف جداني انتي تراي متنازلتن عن حقي حق ذيك السنة يوم ان الحصاااد ياكله الجراااد

وتبيها تسير عليها بصبحن من هالصبحيات ..

بس حفاظا على سمعة ابييتس لا تخلينه تجي لم جديدتي ابد ابد ابد .. وخليها تقاطعها



ترى من انذر فقد اعذر





















يا العطار ...


وشو علك يطقطق

موهب انا الي اطقق .. الطقطق تعتمد على مهارة من يقوم بعلك العلك ومضغه

المهم لا يكثر هرجي .. وتسلم على هالزيارة الي جايتن بعد فوات الاوان

بس يامال الصلاح وش كار جديدة بالكساندرا

جديدة بنت حمايل وذيك غجريتن مدري وش تبي





اسحبها والا ترى القوات الخاصة بتتكفل بك

http://www.alwasan.com/vb/images/smilies/1/19.gif